काठमाडौं– प्रधानमन्त्री कप एकदिवसीय क्रिकेट प्रतियोगितामा वर्षाले खेल प्रभावित हुँदा सुदूरपश्चिम र प्रदेश ५ ले अंक बाँढेका छन्।
कीर्तिपुरस्थित टियू मैदानमा सुदूरपश्चिमले दिएको १ सय ८९ रनको लक्ष्य पछ्याएको प्रदेश ५ ले १९ ओभरमा ४ विकेटको क्षतिमा ५६ रन बनाएर खेल्दा पानी परेको थियो। त्यसपछि खेल नसक्दा दुवै टिमले अंक बाँढे।
प्रदेश ५ का लागि सुभेन्दु पाण्डेले सबैभन्दा बढी २९ रन जोडेका थिए। अन्य ब्याट्सम्यान दोहोरो अंकमा रन जोडन नपाइ आउट भएका थिए। सौरभ खनाल ४ रन र सुरज दराल ८ रन बनाएर खेलिरहेका थिए। बलिङमा सुदूरपश्चिमका विनोद लामाले २ विकेट लिए।
त्यसअघि टस जितेर पहिले ब्याटिङ गरेको सुदूरपश्चिम १ बल खेल्न बाँकी छदा १ सय ८८ रनमा अलआउट भयो। सुदूरपश्चिमका लागि खडक बोहोराले ६२ रन र नरेश बोहराले ३१ रन जोडे। बलिङमा प्रदेश ५ का कृष्ण कार्की र सिद्धान्त शाहीले २–२ विकेट लिए।
समूह 'ए' मा रहेका दुवै टिमले १–१ अंक जोडेका छन्। शीर्ष स्थानको प्रदेश ३ को ४ अंक र दोस्रो स्थानको एपिएफको पनि ४ अंक छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1771566457.png)
