संखुवासभा- दुईदुई पटक स्थगित भएको संखुवासभाको मतगणना पुन: सुरु भएको छ।
आज बिहान ५ बजेबाट प्रतिनिधिसभा र प्रदेशसभा क अन्तर्गतको मतगणना स्थगित भएको थियो। नेपाली कांग्रेसका प्रतिनिधि नभएको बेला मतपेटिका खोलिएको विषयमा विवाद भएपछि प्रदेश क को गणना रोकिएको हो। प्रतिनिधिसभातर्फ नेपाली कांग्रेसका प्रतिनिधि मतपेटिका राखिएको स्थानको ताला चाबी लिएर मतगणना स्थलबाट बाहिरिएपछि मतगणना अवरुद्ध बन्न पुग्यो।
सहमति जुटाउने विषयमा लामो समयसम्म छलफल भएपछि बल्ल गणना सुरु भएको हो।
यसअघि आइतबार राति १० बजे मत संकेतलाई लिएर विवाद चुलिएको थियो। तर नेपाली कांग्रेस प्रतिनिधिसभाका उम्मेदवार दीपक खड्काले बदर मत पुन: गणना गर्न माग गर्दै दर्ता गरिएको निवेदन निर्वाचन आयोगमा पठाइदिएपछि आयोगको निर्णय स्वीकार गर्ने सहमतिसाथ ३ घन्टापछि मतगणना सुरु गरिएको थियो।
प्रतिनिधिसभातर्फ ६० हजार ६ सय २० गणना गरिएकोमा २ हजार ८ सय ८८ मत बदर भएको छ। एक प्रतिनिधिसभा र दुई प्रदेशसभा रहेको संखुवासभामा वा गठबन्धनको अग्रता कायमै रहेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
