तस्बिर स्रोत- हिन्दूस्तान टाइम्स
काठमाडौँ- दोस्रो कार्यकालका लागि बिहिबार सपथ लिन लागेका भारतीय प्रधानमन्त्री नरेन्द्र मोदीको सपथ ग्रहण समारोहमा प्रधानमन्त्री केपी शर्मा ओलीले सहभागिता जनाउने भएका छन्।
परराष्ट्र मन्त्रालयका अनुसार मोदीको सपथ ग्रहणका लागि सोमबार साँझ लिखित निम्तो आएको थियो। ओली बिहिबार दिउसो नयाँ दिल्ली जाने र शुक्रबार अपरान्ह स्वदेश फर्किने छन्। ओली र मोदीबीच दिपक्षीय भेटघाट समेत हुने छ।
प्रधानमन्त्रीका परराष्ट्र सल्लाकार राजन भट्टराईले पनि ओली भ्रमणको पुष्टि गरे। ‘यो प्रधानमन्त्रीको छोटो भ्रमण हो,’ मंगलबार राधानीको एक कार्यक्रममा उनले भने, ‘नेपाल–भारत द्धिपक्षीय महत्वका विषयमा उहाँहरुबीच सामान्य छलफल हुन्छ।’
भट्टराईले नेपाल र भारतबीच बहुआयामिक सम्बन्ध रहेको र समस्या पनि आउँदा दिनमा छलफल गरेर टुंग्याइने बताए। ‘हामीबीच बहुआयामिक सम्बन्ध छ,’ उनको भनाइ छ, ‘समस्या पनि छन्। केही पछिल्लो समय समाधानतर्फ उन्मुख छन्। बाँकी विषयहरु पनि द्विपक्षीय वार्ता गरेर समाधान गर्नेतर्फ नै हामीहरु अघि बढिरहेका छौं।’
ओलीको भ्रमण दलमा जाने सदस्यबारे भने अझैं टुंगो नलागेको परराष्ट्र मन्त्तालयले जनाएको छ।
सार्क आउट, बिमस्टेक इन!
मोदीले पहिलो सपथ ग्रहण समारोहमा दक्षिण एसियाली सहयोग संगठन(सार्क) क्षेत्रका नेताहरुलाई बोलाएका थिए। त्यति बेला नेपालका प्रधानमन्त्री शुशील कोइरालाले नेपालका तर्फबाट सहभागिता जनाएका थिए।
यसपाली भने मोदीले सार्कलाई छाडेर बहुपक्षीय प्राविधिक तथा आर्थिक सहयोगका लागि बंगालको खाडीको प्रयास (बिम्स्टेक) सदस्य राष्ट्रहरूलाई बोलाएका छन्।
बिमस्टेकमा नेपाल, बंगलादेश, भारत, म्यानमार, श्रीलंका, थाइल्याण्ड र भुटान सदस्य छन्।
भारतीय विदेश मन्त्रालयका अनुसार बिम्स्टेक सदस्य राष्ट्रका सरकाररराष्ट्रप्रमूख बाहेक कीर्गिजस्थानका राष्ट्रपति र मोरिससका प्रधामन्त्रीलाई पनि आमन्त्रण गरिएको छ।
सपथ ग्रहण समारोहमा शैत्रुतापूर्ण सम्बन्ध भएको पाकिस्तानलाई बोलाउने नबोलउने बारे भने अहिलेसम्म केही टुंगो लागेको छैन्।
कतिपयले पाकिस्तानलाई एक्ल्याउने रणनीति अन्तर्गत नै मोदीले बिम्स्टेक राष्ट्रका सदस्यलाई आफ्नो सपथ ग्रहण बोलाएको टिप्पणी गरेका छन्। बिम्स्टेकमा पाकिस्तान छैन्।
भारतको पुलुवामामा भएको आतंकवादी आक्रमणपछि दुई देशबीचको सम्बन्ध चिसिएको छ।
यद्यपि, मोदीले चुनाव जितेपछि पाकिस्तानी प्रधानमन्त्री इमरान खानले फोन गरेर मोदीलाई बधाई दिएका थिए। उनले भारतसँग सम्बन्ध सुधारका लागि मोदी मिलेर काम गर्न काम गर्न तयार रहेको बताएका थिए।
मोदीले पाकिस्तानलाई छाडेर दक्षिण—पूर्वी एसियाका देशलाई प्राथमिकता दिन ‘लुक इस्ट पोलीसी’ल्याएका थिए।
भारतले त्यही नीति अनुसार पाकिस्तानसँगको विवादलाई देखाउँदै सार्कलाई भन्दा बिम्स्टेकलाई प्राथमिकता दिन थालेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
