रौतहट– अहिलेसम्मको मतपरिणाम अनुसार राष्ट्रिय जनता पार्टी (राजपाले) प्रतिनिधिसभामा तीन स्थानमा जित हात पारेको छ। पछिल्लो पटक रौतहट क्षेत्र नम्बर १ मा राजपा अध्यक्ष मण्डलका सदस्य अनिलकुमार झाले जित हासिल गरेका छन्।
यसअघि राजपाबाट प्रतिनिधिसभामा सप्तरी ३ मा चन्द्रकान्त चौधरी र धनुषा ३ मा राजेन्द्र महतो विजयी भइसकेका छन्।
रौतहट १ मा झा २१ हजार ४ सय ७२ मतसहित विजयी भएका हुन्। उनका प्रतिस्पर्धी नेपाली कांग्रेसका कृष्णप्रसाद यादवले १५ हजार ८ सय ७२ मत पाएका छन्।
दुर्गा भगवती गाउँपालिका १ मत्सरीका बासिन्दा ५० वर्षीय झा ०४५ सालमा सद्भावना पार्टीमा आबद्ध भएका थिए। नेपाल सद्भावना पार्टी जिल्ला अध्यक्ष, संघीय सद्भावना पार्टीका केन्द्रीय अध्यक्ष भएका झा ०६४ मा समानुपातिक सांसद समेत भएका थिए। उनी पूर्व उद्योगमन्त्री हुन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
