काठमाडौं– थेम्स इन्टरनेसनल कलेजको आयोजनामा राष्ट्रव्यापी क्रिकेट प्रतियोगिता भोलिबाट सुरु हुने भएको छ।
प्रतियोगिताका सबै खेलहरू ललितपुरस्थित पुल्चोक क्रिकेट मैदानमा हुनेछन्। लिग २०७६ जेठ २० गतेसम्म चल्नेछ।
विगत केही वर्षयता त्रिभुवन विश्वविद्यालयअन्तर्गत बि.बि.ए. (व्यवसाय प्रशासन स्नातक) र बि.आइ.एम. (सूचना व्यवस्थापन स्नातक) कार्यक्रमका कलेजहरूबीचको क्रिकेट प्रतिस्पर्धा थेम्स इन्टरनेसनल कलेजले जित्दै आएको थियो। यस वर्ष सो प्रतियोगितालाई नयाँ स्वरूप दिई थेम्स प्रिमियर लिग २०७६ को रूपमा आयोजना गर्न लागिएको हो।
प्रिमियर लिगअन्तर्गत काठमाडौँका विभिन्न आठवटा कलेजहरू उपाधिका लागि भिड्दै छन्। यस प्रतियोगितामा पुल ‘ए’ र पुल ‘बि’मा चार–चारवटा टिम रहनेछन्। प्रतियोगितामा जम्मा १२ लिग खेल खेलिनेछन्। शीर्ष चार टिम सेमिफाइनलमा पुग्नेछन्।
उक्त प्रतियोगिताबाट उत्कृष्ट एघार खेलाडीको एउटा सुपर टिम पनि घोषणा गरिनेछ। त्यसैगरी, प्रतियोगिताका उत्कृष्ट ब्याटस्म्यान, बलर र अलराउन्डरलाई विभिन्न पुरस्कारहरू पनि दिइनेछ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
