काठमाडौं– राजधानीमा जारी प्रधानमन्त्री कप एकदिवसीय राष्ट्रिय क्रिकेट प्रतियोगितामा त्रिभुवन आर्मी क्लबले प्रदेश नं १ लाई १ सय १३ रनको फराकिलो अन्तरले पराजित गरेको छ।
आर्मीले दिएको २ सय ५ रनको लक्ष्य पछ्याएको प्रदेश १ ले २६.५ ओभरमा अलआउट हुँदा ९१ रन मात्र जोड्यो। खेलमा आर्मीका सुसन भारीले ह्याट्रिक गरे। उनले इनिङको अन्तिम ३ बलमा विकेट लिएका हुन्। २६.३ ओभरमा मुकुन्द यादवलाई २६ रनमा एबलिडब्लूको धरापमा पारेका उनले चौथो बलमा श्रवण यादव र पाँचौ बलमा राजन मगरलाई आउट गरे। करण केसीले २ विकेट लिए। प्रदेश १ का लागि राजन मगरले २६ रनमा जोडेक थिए।
.JPG)
.JPG)
कीर्तिपुरस्थित त्रिवि क्रिकेट मैदानमा आइतबार भएको खेलमा टस जितेर पहिले ब्याटिङ गरेको आर्मीले ४५.३ ओभरमा सबै विकेट गुमाउँदै २०४ रनको योगफल बनायो। आर्मीका लागि राजेश पुलामीले सर्वाधिक ५६ रनको अर्धशतकीय इनिङ्स खेले । ९३ बल खेलेको उनले चार चौकाको मद्दतमा ५६ रन बनाएका हुन् । त्यसैगरी हरिबहादुर चौहानले ४१, कप्तान विनोद भण्डारीले ३० र करण केसीले २६ रन जोड्नुबाहेक अन्यले दोहोरो रन जोड्न सकेनन्।
.JPG)
बलिङतर्फ प्रदेश नं १ का दिपेश कँडेलले ३ विकेट लिए भने मुकुन्द यादव, सिद्धान्त लोहोनी र फिरदोस अन्सरीले समान दुई दुई तथा पुष्प थापाले १ विकेट झारे। यसअघि भएको आफ्नो पहिलो खेलमा आर्मीले प्रदेश नं २ लाई १७१ रनको फराकिलो अन्तरले पराजित गरेको थियो।
अर्को खेलमा नेपाल पुलिस क्लबले कर्णाली प्रदेशलाई ९४ रनले पराजित गर्यो। पहिले ब्याटिङ गरेको पुलिस ४१ ओभरमा १ सय ८५ रनमा अलआउट भयो। पुलिसका लागि दिलीप नाथाले ७२ रन र कुशल भुर्तेलले ६२ रन जोड्यो। त्यसअघि पुलिसले ९ ओभरमा चल्दा महत्वपूर्ण ५ विकेट गुमाएर २२ रन मात्र जोडेको थियो। बलिङमा कर्णालीका सुदन पोखरेलले ५ विकेट लिए।
१ सय ८६ रनको लक्ष्य पछ्याएको कर्णाली २७ ओभरमा ९१ रनमा अलआउट भयो। उसलाई सुशान्त थापाले २९ रन जोडे। बलिङमा पुलिसका आरिफ शेखले ४ विकेट र ललितनारायण राजवंशीले ३ विकेट लिए।
प्रतियोगितामा तीन विभागीय टोलीसहित सात प्रदेशको सहभागिता छ। प्रतियोगिताको विजेता टोलीले रु २० लाख तथा उपविजेताले रु १० लाख प्राप्त गर्नेछ। त्यस्तै प्रतियोगिताको उत्कृष्ट खेलाडीले मोटरसाइकल प्राप्त गर्नेछन् भने उत्कृष्ट ब्याट्सम्यान र बलरले जनही रु ५० हजार प्राप्त गर्नेछन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1770979298.jpg)
-1764146706.png)
-1770562345.jpg)
