भैरहवा– नेपालकै ठूलो औषधि उद्योग मध्येको एसियन फर्मास्युटिकल्स प्रालिमा लागेकोे आगलागीबाट करोडौंको क्षति भएको छ।
रुपन्देहीको ओमसतिया गाँउपालिका–१ स्थित उक्त उद्योगमा सोमबार बेलुका ५ बजेतिर विद्युत सर्ट हुँदा आगलागी भएको थियो।
बिक्री वितरणका लागि आधुनिक गोदामघरमा राखिएका औषधि सबै जलेर नष्ट भएको छन्।
करिब दुई महिनाका लागि गोदाम गरी राखिएको औषधि जलेको बताइएको छ।
आगलागीले करिब ४० करोड रुपैयाँ बढीको क्षति भएको उद्योग सञ्चालक कृष्ण घिमिरेले बताए।
उद्योगबाट उत्पादित औषधिको मासिक बिक्री न्यूनतम १५ करोड रुपैयाँसम्म रहेको बताइएको छ।
३० करोडभन्दा धेरै मूल्यको औषधिमात्रै जलेर नष्ट भएको उद्योगका अध्यक्ष हुतानन्त खनालले बताए।
आगलागी नियन्त्रणका लागि भैरहवा, बुटवल, तिलोत्तमा, परासी, कपिलवस्तु लगायतका स्थानबाट ७ वटा वारुणयन्त्र ल्याइएको थियो।
नेपाली सेना, नेपाल प्रहरी, सशस्त्र प्रहरी र स्थानियबासीको सहयोगमा ५ घण्टामा आगलागी नियन्त्रणमा आएको थियो।
अत्यधिक गर्मीको बेलामा बारम्बार हुने गरेको विद्युत भोल्टेज अपडाउनका कारण तार अत्यधिक तातेर आगलागी भएको हुनसक्ने सञ्चालक घिमिरेले बताए।
उद्योगमा वार्षिक एक अर्ब रुपैयाँभन्दा बढीको कारोबार हुँदै आएको थियो।
आगलागीपछि बजारमा औषधि अभाव हुन नदिन मंगलबारबाटै उद्योग सुचारु भएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1791692981.webp)
-1786602170.png)
