काठमाडौं– सशस्त्र प्रहरी बलले आठौं राष्ट्रिय खेलकुद प्रतियोगिता–२०७५ मा नेपाल एपीएफ क्लबबाट सहभागी भई पदक जित्न सफल आफ्ना २ सय ४ जना खेलाडीहरुलाई नगदसहित सम्मान गरेको छ।
सशस्त्र प्रहरी महानिरीक्षक शैलेन्द्र खनालले सशस्त्र प्रहरी बल, नेपाल प्रधान कार्यालयमा बिहीबार आयोजित बिशेष समारोहका बीच स्वर्ण पदकविजेता खेलाडीहरुलाई नगदसहित सम्मान गरे।
यसैगरी सशस्त्र प्रहरी अतिरिक्त महानिरीक्षकहरु पुष्पराम के.सी.,नारायणबाबु थापा र रामशरण पौडेलले रजत र कास्य पदक विजेता खेलाडीहरुलाई नगद पुरस्कार प्रदान गरे।
प्रदेश नं. ५ को विभिन्न स्थानमा गत चैत्र २७ गतेदेखि बैशाख १२ गतेसम्म संचालन भएको उक्त प्रतियोगितामा नेपाल एपीएफ क्लबको तर्फबाट सहभागी भई पदक जित्न सफल खेलाडीहरुलाई सम्मान गरिएको हो ।
त्यस अवसरमा कूल १३ लाख ९५ हजार ५ सय रुपैयाँ पुरस्कार स्वरुप प्रदान गरिएको छ ।
सो कार्यक्रममा स्वर्ण पदक विजेतालाई जनही १० हजार रुपैयाँ, रजत पदक विजेतालाई जनही ७ हजार रुपैयाँ तथा कास्य पदक विजेतालाई जनही ५ हजार रुपैयाँसहित सम्मान गरिएको छ ।
यसैगरी एकभन्दा बढी पदक विजेता खेलाडीहरुलाई थप विजयी प्रतिपदकमा ५० प्रतिशत पुरस्कार रकम थप गरी प्रदान गरिएको छ।
प्रतियोगिताको कूल ३५ विद्या मध्ये २८ विधामा नेपाल एपीएफ क्लबका खेलाडीहरुले ५४ स्वर्ण पदक, ७१ रजत पदक र ७९ कास्य पदक गरी कूल २०४ पदकसहित तेस्रो स्थान हासिल गरेको कुरा जानकारी गराए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
