मानसिक सन्तुलन नभएकी किशोरीमाथि सामूहिक बलात्कार

समाज

नेपाल लाइभ बुधबार, जेठ ८, २०७६ १४:१६

जनकपुर- मानसिक सन्तुलन नभएकी एक किशोरी बारामा सामूहिक बलात्कारको सिकार भएको घटना सार्वजनिक भएको छ।

स्थानीय २५ वर्षीय रामअयोध्या मण्डलसहित दुई युवाले किशोरीलाई ललाइफकाइ नजिकै रहेको बाँसघारीमा लगेर सामूहिक बलात्कार गरेको आरोप छ।

बाराको परवानीपुर गाउँपालिका–१ बुनियाद टोलमा सोमबार राति करिब ८ बजे ती किशोरीमाथि सामूहिक बलात्कार भएको हो।

‘सोमबार राति करिब साढे ८ बजे नचिनिएकी एक किशोरी टोलमा घुमिरहेकी थिइन्,' इलाका प्रहरी कार्यालय परवानीपुर बाराका प्रहरी नायब निरीक्षक नन्दकिशोर सिंहले भने, ‘मण्डल र एक जना बारा खुटवा प्रसौनी गाउँपालिकाकै पहिचान नखुलेका युवाले चाउचाउ, चकलेट दिन्छु भनी ललाइफकाइ लगेर सामूहिक बलात्कार गरेको खुलेको छ।’

स्थानीयको सहयोगमा प्रहरीले मण्डललाई पक्राउ गर्न सफल भए पनि अर्का आरोपी फरार रहेका छन्। मण्डलले किशोरीलाई लगिरहेको देखेपछि स्थानीयले प्रहरीलाई खबर गरेका थिए।

बलात्कार गरिरहेकै बेला स्थानीयले मण्डललाई नियन्त्रणमा लिई प्रहरीको जिम्मा लगाएका थिए । अर्का युवक भने भागेका छन्। फरारको नाम नखुले पनि ठेगाना पहिचान भइसकेकाले प्रहरीले उनको खोजी गरिरहेको प्रनानि सिंहले बताए।

पहिचान नखुलेकी किशोरीको उद्धार गरी अहिले मानव सेवा आश्रम वीरगन्जले राखिएको छ। तर उनले आफ्नो परिचय र अभिभावकको नाम, ठेगाना बताउन सकेकी छैनन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

जी ७ राष्ट्रहरुद्वारा भारत र पाकिस्तानलाई शान्ति कायम राख्न आग्रह

चलचित्र ‘राजकुमारी’को निर्माण घोषणा

पाकिस्तानमा एमबीबीएस र अन्य विषय अध्ययनरत नेपालीले भने, ‘नेपाल सुरक्षित फर्कन चाहन्छौं’