गौशाला- महोत्तरी जिल्लाको भङ्गहा नगरपालिका–७, मेघनाथ गोरहन्ना गाउँमा विवाह हुनुभन्दा ८ दिन पहिले मङ्गलबार दुलहाले आत्महत्या गरेका छन्।
जिल्ला प्रहरी कार्यालय महोत्तरीका प्रहरी नायब उपरीक्षक खगेन्द्रबहादुर खड्काका अनुसार आउँदो जेठ १५ गते विवाह हुन लागेका भङ्गहा नपा–७ बस्ने जयनारायण महराका छोरा २२ वर्षीय सुवोधकुमार महराले आत्महत्या गरेका हुन्।
उनको शव घरभन्दा ५ सय मिटर परको जङ्गलमा रुखमा झुण्डिएको अवस्थामा फेला परेको हो। युवक महराको विवाहको तयारी चलिरहँदा घरमा मटकोर पूजा (बिहेअघिको विशेष विधि) समेत भइसकेको थियो। यही जेठ १५ गते छिमेकी गाउँ औरही नगरपालिका–७ मा जन्ती जाने तय भएता पनि महराको शव फेला परेको प्रहरी नायब उपरीक्षक खड्काले बताए।
घरायसी तनावका कारण युवकले आत्महत्या गरेको हुनसक्ने आशङ्का गर्दै प्रहरीले मृतक युवकको शव परीक्षणका लागि जिल्ला अस्पताल जलेश्वर पठाएको तथा घटनाबारे अनुसन्धान भइरहेको जिप्रका महोत्तरीले जनाएको छ। रासस
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1791692981.webp)
-1786602170.png)
