विप्लवका कार्यकर्ता पक्राउ गर्न प्रहरीको गोली, दोहोरो भिडन्त भएको होइन : विप्लव नेता

समाज

नेपाल लाइभ मंगलबार, जेठ ७, २०७६ २०:०८

काठमाडौं- भोजपुरमा प्रहरीले विप्लव समूहका कार्यकर्तालाई गोली प्रहार गरी पक्राउ गरेको छ।

भोजपुरको ट्याम्के मैयुम गाँउपालिका- १ मा प्रहरीले गोली प्रहार गरी एक जनालाई नियन्त्रणमा लिएको हो। पक्राउ पर्नेमा विप्लवका कार्यकर्ता तीर्थराज घिमिरे रहेका छन्।

केही समाचारमा माध्यममा दोहोरो भिडन्त भएको समाचार सार्वजनिक भएपछि नाम उल्लेख नगर्ने शर्तमा विप्लवका एक नेताले नेपाल लाइभसँगको कुराकानीमा भने दोहोरो भिडन्त नभएको दाबी गरे।

उनका अनुसार घरमा बसिरहेको बेला प्रहरी पुगेको र प्रहरी पुगेपछि प्रहरीबाट तर्कन खोज्दा प्रहरीले मात्र एकतर्फी रुपमा गोली प्रहार गरी नियन्त्रणमा लिएको हो।

पक्राउ परेका विप्लवका कार्यकर्ताको नाम तीर्थराज घिमिरे भएको उनले पुष्टि गरे। उनको घुँडामा गोली लागेको समेत उनले बताए।

यद्यपि उनले प्रहरीले के-के बरामद गरेको भन्ने विषय खुलाउन उनले चाहेनन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

चलचित्र ‘राजकुमारी’को निर्माण घोषणा

पाकिस्तानमा एमबीबीएस र अन्य विषय अध्ययनरत नेपालीले भने, ‘नेपाल सुरक्षित फर्कन चाहन्छौं’

भारत–पाकिस्तान तनावः भारतद्वारा ३२ विमानस्थलबाट नागरिक उडान बन्द