योगेश भट्टराई भन्छन्- ‘जित पक्का छ, अन्तिम नतिजा आउन भोलिसम्म कुरौं'

राजनीति

नेपाल लाइभ शुक्रबार, मंसिर २२, २०७४ १०:२९

काठमाडौं- एमाले सचिव योगश भट्टराईले आफ्नो जित पक्का भएको भन्दै अन्तिम नतिजा आउन समय लाग्ने बताएका छन्।

एक मात्र निर्वाचन क्षेत्र रहेको ताप्लेजुङको प्रतिनिधिसभाका उम्मेदवार भट्टराईले जारी मतगणनामा झन्डै ४ हजार मतको अग्रता लिएका छन्। पछिल्लो मत परिणाम अनुसार उनको ११ हजार ३ सय ५८ मत छ। उनका प्रतिस्पर्धी केशव दाहाल ७ हजार ३ सय ४१ मतसहित पछ्याइरहेका छन्।

नेपाल लाइभसँग कुरा गर्दै भट्टराईले अन्तिम मतपरिणाम प्राप्त हुन अझै केही समय लाग्ने बताए। ‘नतिजा हेर्दा मेरो जित निश्चित जस्तै देखिएको छ, हाम्रो अपेक्षा अनुसार नै भोट आएको छ,’ गृहजिल्लाबाट उनले फोनमा भने, ‘अन्तिम मतपरिणाम भोलि बिहानसम्ममा आऊला।'

प्रदेश र प्रतिनिधिसभा सदस्य निर्वाचनको प्रारम्भिक मतपरिणामले आफूहरु उत्साहित भएको उनले बताए। ‘जुन किसिमको नतिजा आइरहेको छ, अस्वाभाविक छैन,’ उनले भने, ‘जनताको चाहना अनुसार बनेको वामपन्थी एकताले समेत मतपरिणाम अपेक्षाकृत नै देखिन्छ।’

नेतृत्वले सही निर्णय गरेको बताउँदै भट्टराईले स्थिर र बलियो सरकार बनाउने वाम गठबन्धनको एजेन्डालाई जनताले स्विकृति प्रदान गरेको टिप्पणी गरे।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

गाजामा राहत वितरणमा लुटपाट र अराजकता, व्यवस्थित गर्नखोज्दा सात प्रहरीको मृत्यु

सुनको मूल्य सामान्यले बढ्यो, कतिमा हुँदैछ कारोबार ?

सदनको अवरोध हटाउनेबारे मुख्य सचेतक र प्रमुख सचेतकहरुसँग छलफल गर्दै सभामुख घिमिरे