काठमाडौं– पहिलो चरणमा मंसिर १० मा निर्वाचन भएका जिल्लामा बिहीबार साँझ ५ बजेदेखि मतगणना सुरु भएको छ। पहिलो चरणमा ३२ जिल्लाका ३७ प्रतिनिधिसभा र ७४ प्रदेशसभाका क्षेत्रमा पहिलो चरणमा निर्वाचन भएको थियो। दोस्रो चरणको मतदान सकिए लगत्तै मतगणनाको गरिएको निर्वाचन आयोगले जनाएकोछ। केही जिल्लामा मतगणना सुरु भइसकेको छ भने केही जिल्लामा सर्वदलीय बैठक बसेर मतगणनालाई अघि बढाउन दलहरु लागिपरेका छन्। पहिलो चरणमा ६५ प्रतिशत मत खसेको थियो।
तारबार र सिसि क्यामेरा सहित गणना सुरु गर्न लागिएको हो। स्थानीय तहको निर्वाचनमा मतपत्र च्यातिएपछि तारवार गरेर मतगणाना सुरु भएको हो। मतगणना गर्ने कर्मचारी जालीभित्र छन् भने दल तथा उम्मेदवारका प्रतिनिधि जाली बाहिर छन्।
सिन्धुपाल्चोक, गोरखा, रसुवा, जाजरकोट, बाजुरा, मुस्ताङलगायत केही जिल्लामा मतगणना सुरु भइसकेको छ। यस्तै, दोलाखामा पनि मतगणनाको तयारी पूरा भएको मुख्य निर्वाचन अधिकृतको कार्यालयले जनाएको छ। मुख्य निर्वाच्न अधिकृत एवं जिल्ला न्यायाधीश प्रकाशकुमार काफ्लेका अनुसार जिल्ला अदालत परिसरमा तीन वटा कोठामा एकै पटक मतगणना गरिँदैछ। बझाँङमा मतगणना सुरु भएको छ। बझाङमा ४ वटा केन्द्रबाट मतगणना गरिएको छ। यस्तै, बैतडीबाट विरा गडालका अनुसार मतगणना सुरु भएको छ। पूर्वी रुकुममा पनि गणना सुरु भएको छ।
खोटाङमा तार जालीसहितको फलामे बार हालिएको छ। बिहीबार बेलुका ७ बजेबाट सुरु हुने मतगणना स्थलको सुरक्षाका लागि फलाममा डन्डी र तारजालीले बार हालिएको छ। मत गणनाका लागि मुख्या निर्वाचन अधिकृतको कार्यालय रहेको जिल्ला अदालतका चार वटा कोठामा मत गणनास्थलमै बेल्डिङ गरेर फलामे बार हालिएको छ।
ओखलढुंगामा पनि साँझ ५ बजेपछि मतगणना सुरु गर्ने तयारी गरिएको छ। मतगणनाका लागि सम्पूर्ण तयारी पूरा भएको मुख्या निर्वाचन अधिकृतको कार्यालय ओखलढुंगाले जनाएको छ। मतगणना स्थलमा तारजालीको घेराबारा बाहेक सिसि क्यामेरा समेत जडान गरिएको छ। ओखलढुंगामा प्रतिनिधिसभाको २ कोठा र प्रदेशसभाको १ कोठामा गणना गर्ने तयारी गरिएको छ।
नुवाकोटमा मतगणनाका लागि तारजाली लगाउने काम सकेर सर्वदलीय बैठक बसिरहेको छ। ६ बजेदेखि मत गणना हुने निर्वाचन कार्यालयले जनाएको छ। दुई वटा निर्वाचन क्षेत्र रहेको नुवाकोटमा चर्चित उम्मेदवार प्रतिस्पर्धामा रहेका छन्।
मनाङमा मतगणना सुरु भइसकेको छ। प्रतिनिधिसभाको १ निर्वाचन क्षेत्र रहेको मनाङमा प्रदेशसभा तर्फ गुन्डा नाइके दिपक मनाङे प्रतिस्पर्धामा उत्रेपछि चर्चामा छ। कम मतदाता भएको क्षेत्र भएकाले शुक्रबारसम्म अन्तिम मतपरिणाम सार्वजनिक हुने अनुमान गरिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
