काठमाडौं– काठमाडौंको प्रदेश तथा प्रतिनिधिसभा सदस्य निर्वाचनको मतगणना भोलि मात्र हुने भएको छ।
मतपेटिका संकलन गर्न समय लाग्ने भएपछि काठमाडौंका १० वटै निर्वाचन क्षेत्रको मतगणना शुक्रबार बिहानदेखि सुरु गर्ने तयारी गरिएको छ। जिल्ला समन्वय समितिको हलमा भोलि बिहान ६ बजे सर्वपक्षीय बैठक बसेर लगत्तै गतगणना सुरु गरिने क्षेत्र नम्बर ९ का निर्वाचन अधिकृत विदुर काफ्लेले बताए।
निर्वाचनमा खटिने कर्मचारीको थकान, मतपेटिका बुझ्न समय लाग्ने तथा दक्षिणकाली, दहचोक, चन्द्रागिरि लगायत स्थानबाट मतपेटिका ल्याउने समय लाग्ने भएकाले राजनीतिक दल र निर्वाचन अधिकारीबीच शुक्रबार बिहान मतगणना गर्ने सहमति भएको थियो।
काठमाडौंको कुन क्षेत्रको मतगणना कहाँ?
काठमाडौं क्षेत्र नम्बर १, २, ३ र ४ – राष्ट्रिय सभागृह, भृकुटीमण्डप
क्षेत्र नम्बर ५ र ७ – सहकारी विकास विभागको तालिम केन्द्र, बानेश्वर
क्षेत्र नम्बर ६ – जिल्ला समन्वय समितिको हल, बबरमहल
क्षेत्र नम्बर ९ र १० – अन्तर्राष्ट्रिय सम्मेलन केन्द्र, नयाँ बानेश्वर।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
