काठमाडौं- प्रदेश र प्रतिनिधिसभा सदस्य निर्वाचनको दोस्रो अर्थात् अन्तिम चरण अन्तर्गत आज ४५ जिल्लामा मतदान सुरू भएको छ।
पहाडी र मधेसका जिल्लामा बिहान ७ बजेदेखि मतदान सुरू भएको हो। मतदान साँझ ५ बजेसम्म चल्ने निर्वाचन आयोगले जनाएको छ। हिमाली तथा उच्च पहाडी भेगका ३२ जिल्लामा गत मंसिर १० गते नै निर्वाचन सम्पन्न भइसकेको छ।
४५ जिल्लामा १२८ निर्वाचन क्षेत्र छन्, जहाँ प्रतिनिधिसभाका लागि प्रत्यक्षतर्फ १२८ सिट र प्रदेशसभाका लागि २५६ सिटका लागि मतदान भइरहेको हो। दोस्रो चरणको निर्वाचनमा जम्मा ४ हजार ४८२ उम्मेदवार चुनावी प्रतिस्पर्धामा छन्। जसमध्ये प्रत्यक्ष निर्वाचनतर्फ प्रतिनिधिसभाका लागि १ हजार ६६३ र प्रदेशसभाका लागि २ हजार ८१९ उम्मेदवार मैदानमा छन्।
कडा सुरक्षा व्यवस्था अपनाइएकाले ढुक्क भएर मतदानमा सहभागी हुन आयोगले आम मतदातालाई आग्रह गरेको छ।
आजको मतदानमा १ करोड २२ लाख ३५ हजार ९९३ मतदाता सहभागी हुनेछन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
