फाइल तस्बिर
काठमाडौं- अर्थमन्त्री डा युवराज खतिवडा र एसियाली विकास बैंक (एडिबी)का अध्यक्ष ताकेहिको नकाओे बीचमा आज फिजीको नादीमा द्विपक्षीय बैठक सम्पन्न भएको छ।
अर्थमन्त्री खतिवडा एसियाली विकास बैंकको ५२औं 'बोर्ड अफ गभर्नर'को वार्षिक बैठकमा सहभागी हुने सिलसिलामा फिजीको भ्रमणमा छन्।
उक्त बैठकमा अर्थमन्त्री खतिवडाले नेपालको समग्र आर्थिक स्थायित्वको अवस्था चित्रण गर्दै मुलुक उच्च अंकको आर्थिक वृद्धिदरसहित अगाडि बढिरहेको धारणा राखेका थिए। नेपालले जुन गतिको आर्थिक वृद्धिदरको लक्ष्य र समृद्धिको सपना देखेको हाे त्यसका लागि पुँजी आवश्यक पर्ने र साेकाे उपलब्धतामा सहयोग गर्न उनले अन्तर्राष्ट्रिय निकायसँग आग्रह गरेका छन्।
‘मुलुकले यस वर्ष पनि उच्च आर्थिक वृद्धि हासिल गर्न लागेको छ। उच्च आर्थिक वृद्धिको पथमा जानका लागि पूँजीगत सामाग्रीहरुको आयात अत्यावश्यक छ’, बैठकमा सम्बोधन गर्दै खतिवडाले भने।
एडिबीका अध्यक्ष ताकेहिकोले मन्त्री खतिवडालाई राष्ट्र बैंकको गभर्नर हुँदा भेट गरेको प्रसंग उल्लेख गर्दै गभर्नरका हैसियतमा खतिवडाले व्यक्त गरेका विचारहरु अहिले पनि आफ्नो स्मरणमा रहेको भन्दै प्रशंसा गरे।
नेपालले राजनैतिक तहमा गर्नुपर्ने कार्यहरु पूरा गरिसकेको र आर्थिक तथा सामाजिक विकासमा परिसूचकहरुमा पनि राम्रो प्रगति गर्दै अगाडि बढिरहेको विषय उनले उल्लेख गरे। अध्यक्ष नकाओले भूकम्पपछिको पुनर्निर्माणको लागि भएको अन्तर्राष्ट्रिय सम्मेलनमा आफू सहभागि भएको स्मरण गरे।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
