एजेन्सी- इस्लामिक स्टेट समूह (आइएस) का एक नेता अबु बकर अल-बगदादीकाे एक भिडियाे सार्वजनिक भएकाे छ। आइएसले साे भिडियाेमा देखिएका व्यक्ति बगदादी नै रहेकाे दाबी गरेकाे छ।
नेता बगदादीलाई पछिल्लाे पटक सन् २०१४ जुलाईमा देखिएकाे थियाे। सार्वजनिक भिडियाेमा बगदादीले इराकमा इस्लामिक स्टेटकाे अन्तिम गढ मानिएकाे क्षेत्र बागुज आफ्नाे हातबाट गुमेकाे स्वीकारेका छन्।
भिडियाे इस्लामिक स्टेटकाे मिडिया नेटवर्क 'अल-फुरकान' मा पोस्ट गरिएकाे हाे। अप्रिलमै पोस्ट गरिएकाे भएपनि भिडियाे कहाँ छायांकन गरिएकाे पत्ता लाग्न सकेकाे छैन।
भिडियाेमा बगदादीले बागुजका साथै इस्टरका समयमा श्रीलंकामा भएका शृंखलाबद्ध बम विस्फाेटकाे समेत कुरा गरेका छन्। समाचार एजेन्सी 'राेयटर्स'का अनुसार इराकी सहर बागुजमा इस्लामिक स्टेटकाे पतनपछि बदला लिनका लागि श्रीलंकामा हमला गरिएकाे बगदादीले बताएका छन्।
तर, पनि यस भिडियाे हालसम्म पनि पुष्टि भने हुन सकेकाे छैन।
'याे भिडियाेकाे माध्यमबाट आइएसले आफू पूर्णरुपमा पतन नभएकाे र उसका नेता बगदादी अझै जीवित रहेकाे तथा नियन्त्रणबाट बाहिर रहेका छन् भन्ने देखाउन खाेजिरहेकाे छ', बिबिसीले लेखेकाे छ। बगदादीकाे शीरकाे मूल्य साढे २ कराेड अमेरिकी डलर ताेकिएकाे छ।
इराकमा रहँदै आएका बगदादीकाे वास्तविक नाम इब्राहिम अव्वाद इब्राहिम अल-बदरी हाे। गत वर्षकाे एक अडियाे रेकर्डिङ सार्वजनिक भएकाे थियाे।
आइएसमा भएकाे नाेक्सानमाथिकाे ध्यान हटाउनका लागि भिडियाे सार्वजनिक गरिएकाे हुनसक्ने आँकलन गरिएकाे छ। करिब १८ मिनेट लामाे उक्त भिडियाेमा बगदादीले भनेका छन्, 'बागुजकाे लडाइँ सकिएकाे छ। याे लडाइँपछि पनि धेरै कुरा हुन बाँकी छ।'
केही वर्षअघिसम्म आइएसकाे कब्जामा इराक र सिरियाकाे ठूलाे हिस्सा रहेकाे थियाे। त्याे समय आइएस बढी शक्तिशाली रहेकाे बताइन्छ। तर, २०१६ र २०१७ मा गरी इराकी सहर मोसुललाई इराकी सेनाले आइएसकाे नियन्त्रणबाट छुटाएकाे थियाे। सन् २०१७ काे अक्टाेबरमा सिरियाकाे सहर रक्काबाट पनि आइएस भाग्नुपरेकाे थियाे।
कुर्द समुदायकाे अगुवाई गर्दै आएकाे सिरियन डेमोक्रेटिक फोर्सेजले भने इराककाे बागुज सहर अझै पनि आफ्नाे नियन्त्रणमा रहेकाे दाबी गरेकाे छ।
काे हुन् अबु बकर अल-बगदादी?
नेता बगदादीकाे जन्म सन् १९७१ मा इराककाे राजधानी बगदादस्थित समारामा भएकाे मानिन्छ। केही पुराना दस्तावेजका अनुसार सन् २००३ मा अमेरिकी सेना इराक प्रवेश गर्ने समयसम्म बगदादी सहरकै एक मस्जिदमा 'मौलवी'काे रुपमा रहन्थे।
सन् २०१४ काे रिपोर्टअनुसार इस्लामी चरमपन्थी संगठन इस्लामिक स्टेट इन इराक एन्ड अल-साम (आइएसआइएस)ले इराक र सिरियामा आफ्नाे कब्जामा रहेका इलाकामा 'खिलाफत' अर्थात इस्लामिक राज्यकाे घोषणा गरेकाे थियाे।
यस अलावा संगठनले मुखिया बगदादीलाई 'खलिफा' र संसारभरका मुस्लिमका नेता घाेषणा गरेकाे थियाे।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1791869951.jpg)
-1786602170.png)
