निलम्बित प्रहरी प्रमुख पुजिथ जयासुन्दरा।
कोलम्बो- श्रीलंकाका राष्ट्रपति मैत्रीपाला सिरिसेनाले प्रहरी प्रमुखलाई सोमबार निलम्बन गरेका श्रीलंकाको राष्ट्रपतिको कार्यालयले सोमबार जनाएको छ।
एक हप्ता अगाडि भएको विस्फोटनका घटनामा परी साढे २ सय भन्दा बढीको मृत्यु भएको घटनालाई लिएर उनले प्रहरी प्रमुख पुजिथ जयासुन्दरालाई निलम्वन गरेका हुन्। इस्लामिक स्टेट (आइएस)का लडाकूहरुले आक्रमण गर्ने चेतावनी दिएको भएपनि सुरक्षा निकायको नेतृत्वले वेवास्ता गरेको आरोप उनीमाथि लाग्दै आएको थियाे।
राष्ट्रपति सिरिसेनाले यसअघि सुरक्षा सचिवलाई पनि बर्खास्त गरेका थिए। उनले त्यस ठाउँमा सोमबार नै नयाँ सचिव नियुक्त गरेका छन्। अघिल्लो आइतबार चर्च र होटलहरुमा भएका विस्फोटनमा परी कम्तीमा २ सय ५३ जनाको मृत्यु भएको थियो भने ५ सयभन्दा बढी घाइते भएका थिए।
प्रहरी प्रमुख जयासुन्दरालाई निलम्बन गरेपछि वरिष्ठ प्रहरी उपमहानिरिक्षक चन्दन विक्रमासिङ्घेलाई कार्यबाहक प्रहरी प्रमुख बनाइएको छ। उनले सोमबार नै सेनाका पूर्व प्रमुख शान्ता कोट्टेगोडालाई देशको सुरक्षा प्रमुखमा नियुक्त गरेका राष्ट्रपतिको कार्यालयले जनाएको छ। रासस/एएफपी
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1775575666.png)
-1764146706.png)
