वासिङ्टन- विश्वका प्रमुख अर्थतन्त्र भएका राष्ट्रहरुबीचको व्यापार वार्ताका लागि अमेरिकी टाेली मंगलबार चीनतर्फ प्रस्थान गर्ने भएकाे छ।
अमेरिकी वित्तमन्त्री स्टेभन मनुचिन तथा अमेरिकी व्यापार प्रतिनिधि रोबर्ट लाइटहाइजर मङ्गलबार अर्को चरणको वार्ताका लागि बेइजिङ जाने र चिनियाँ वार्ता टोलीसँग छलफल हुने बताइएकाे छ।
वार्ता निर्णायक चरण नजिक पुगेको र छिट्टै अन्तिम सहमति गर्ने वा नगर्नेबारे निर्णय हुने अमेरिकी वित्तमन्त्री स्टेभन मनुचिनले सोमबार बताएका थिए।
'अर्को हप्ता वार्ता टोलीहरूबीच वासिङ्टनमा अमेरिकी राष्ट्रपतिले चीन र अमेरिकाको असमान र असन्तुलित व्यापारसम्बन्धलाई सुधार गर्न गरेको माग अनुसार व्यापार सम्झौता अन्तिम प्रयास हुनेछ', उनले भने।
'मेरो विचारमा दुवै पक्षको चाहना वार्तालाई सफल बनाउने देखिएको छ यद्यपि दुवै पक्षका कतिपय अडानका कारण सहमति जुट्न सकेको छैन', मनुचिनले फक्स बिजिनेस नेटवर्कसँगको अन्तवार्तामा भने, 'वार्तालाई निरन्तरता दिने वा रोक्ने कि भन्नेबारेमा समेत छलफल हुनेछ।'
अर्को दुई चरण चीन र वासिङ्टन डिसीमा हुने वार्तापछि यस टाेलीले राष्ट्रपतिबीच वार्ता गर्नुपर्ने वा नपर्ने भन्ने निर्णय दिनेछ।
अमेरिकी राष्ट्रपति ट्रम्पले करिब दुई खर्ब ५० अर्ब अमेरिकी डलर बराबरको चिनियाँ सामान आयातमा कर वृद्धि गरेपछि बदलामा चीनले अमेरिकाबाट चीन आयात हुने एक खर्ब १० अर्ब अमेरिकी डलर बराबरको समानमा करवृद्धि गरेकाे छ। दुई ठूला देशबीचको संरक्षणवादी नीतिका कारण उनीहरूको सामान लिने विश्वका अन्य मुलुकहरूमा समेत यसको प्रभाव परेको छ।
अमेरिकाको उक्त निर्णयका कारण देशव्यापी रूपमा सामानहरूको मूल्य वृद्धि भएको छ भने सामानको उत्पादनका लागि लगानी आकर्षित नहुँदा अनिश्चितता बढेको बताइएको छ।
तर, मनुचनिले भने यसको वचाउ गर्दै भने, 'ट्रम्पको आक्रामक व्यापार नीति, करवृद्धिका दुई देशबीच वार्ताको वातावरण बनेको र समान तथा सन्तुलित व्यापार राष्ट्रपति ट्रम्पको चाहाना हो।' रासस/एएफपी
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1775575666.png)
-1764146706.png)
