नयाँ दिल्ली- भारतीय लाेकसभा निर्वाचनकाे चाैथाे चरणमा आज युवा नेता कन्हैया कुमारले मतदान गरेका छन्। बिहारकाे बेगुसरायका स्थायी बासिन्दा कुमार आफ्नै क्षेत्रबाट चुनावी मैदानमा समेत उत्रिएका छन्।
कम्युनिष्ट पार्टी अफ इन्डिया (सिपिआई)का उम्मेदवार कुमारले बेगुसरायकाे एक मतदान केन्द्रमा गई भाेट हालेका छन्। मताधिकार सुरक्षित गरेपछि मतदान केन्द्रबाट बाहिरिने क्रममा उनले बेगुसरायकाे बदनाम नगर्न सचेत गराएका छन्। 'बेगुसरायकाे बदनाम गर्ने शक्तिलाई यहाँका जनताले उपयुक्त जवाफ दिनेछन्', कुमारले भने।
उनले आफूलाई चुनावी अभियानमा साथ दिने सबै मतदातालाई बधाई दिँदै आम जनताहरुले आफ्ना सामान्य आवश्यकताहरु शिक्षा, स्वास्थ्य, राेजगारीलगायतका विषय तथा अन्य अधिकारका प्राप्तिका लागि मतदान गर्ने विश्वास जताए। 'यसपटक बेगुसरायले आफ्नाे आत्मसम्मानका लागि, देशकाे संविधानका लागि, आफ्ना सामान्य आवश्यकताहरु शिक्षा, स्वास्थ्य, राेजगारीलगायतका विषयहरु तथा अन्य अधिकारका लागि मतदान गर्नेछ। बेगुसरायले जित्छ। बेगुसरायलाई अपमान गर्ने शक्ति हार्नेछ', उनले भने।
आफ्नाे जित सुनिश्चित भएकाे दाबी गर्दै उनले आफ्नाे लडाइँ बेगुसरायलाई अपमान गर्ने शक्तिका विरुद्ध भएकाे जिकिर गरे। 'मेराे लडाइँ बेगुसरायलाई अपमानित गर्ने शक्तिका विरुद्ध हाे', मतदानस्थल पुगुनुअघि भारतीय टेलिभिजन 'आजतक'सँग कुराकानी गर्दै कुमारले थपे, 'हाम्राे लडाइँ सरकारकाे त्याे मुखाैटेकाे विरुद्ध हाे, जाे काम गर्दैन मात्र आफ्ना विराेधीकाे बदनाम मात्रै गर्छ।'
उनले यसपटक बेगुसरायले जनताकाे प्रश्नलाई भ्रममा पार्न खाेज्ने शक्तिलाई परास्त गर्ने दाबीसमेत गरे। 'लाेकतन्त्रमा जनताकाे सवाल मुख्य हुनुपर्छ। जनताकाे प्रश्नलाई भ्रममा पार्न खाेज्नु नयाँ षड्यन्त्र मात्रै हाे', उनले भने, 'यसपटककाे चुनावमा बेगुसरायबाट यस्ताे सन्देश जाँदै छ कि जुन लाेकतन्त्रमा चुनाव भइरहेकाे छ, यसबाट जनता र उनीहरुका प्रश्नबाटै राष्ट्र बन्दछ। आम जनताकाे प्रश्नलाई भ्रममा पार्न खाेज्ने झुटाे नाराबाट केही पनि हुनेवाला छैन।'
उनले यसपटककाे चुनावबाट बेगुसरायकाे सशक्त आवाज संसदसम्म पुग्ने उद्घाेष गरे। 'जाति र धर्मलाई छाेडेर बेगुसरायका जनता आफ्नाे मानसम्मानका लागि भाेट गर्नेछन्। बेगुसरायकाे एक सशक्त आवाज संसद पुग्छ भन्ने साेचका आधारमा बेगुसराय चुनावमा सामेल हुनेछ।'
आफ्ना प्रमुख प्रत्यासी गिरिराज सिंहका बारेमा भने केही बाेल्न चाहेनन्। सत्तारुढ भारतीय जनता पार्टी (भाजपा)का उम्मेदवार सिंह केन्द्रीय मन्त्रीसमेत हुन्। सिंहबाहेक भारतीय कांग्रेससहितकाे गठबन्धनका तनवीर हसन पनि कन्हैयाका लागि चुनाैती बन्नसक्ने बताइएकाे छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1775575666.png)
-1764146706.png)
