तस्बिर- जम्मु-काश्मीर राज्यकाे एक मतदान केन्द्रमा मतदाताहरुकाे लाइन।
नयाँ दिल्ली- भारतीय लोकसभा चुनावअन्तर्गत चौथाे चरणमा ९ राज्यका ७१ स्थानका लागि मतदान सुरु भएकाे छ।
यसमा महाराष्ट्रमा सबैभन्दा बढी १७, उत्तर प्रदेश र राजस्थानमा १३/१३, पश्चिम बंगालमा ८, मध्य प्रदेश र उडिसामा ६/६, बिहारमा ५, झारखंडमा ३ र जम्मु-काश्मीरमा १ सिटका लागि निर्वाचन हुँदैछ।
आज बिहान ७ बजेबाट सुरु भएकाे मतदान साँझ ५ बजेसम्म चल्नेछ। यसअघि शनिबार साँझ ५ बजेबाट याे चरणकाे शून्य समय सुरु भएकाे थियाे। यस समयमा चुनाव हुने राज्यमा चुनावी प्रचारप्रसार गर्न मिल्दैन।
कुन-कुन स्थानमा हुँदैछ मतदान?
१) महाराष्ट्र- नान्दुरबार, धुले, दिंडोरी, नासिक, पालघर, भिवम्डी, कल्याण, ठाणे, उत्तरी मुम्बई, उत्तर-पश्चिम मुम्बई, उत्तर-पूर्व मुम्बई, उत्तर-मध्य मुम्बई, दक्षिण-मध्य मुम्बई, मवाल, शिरूर र शिरडी।
२) उत्तर प्रदेश- शाहजहाँपुर, खिरी, हरदोई, मिसरिख, उन्नाव, फर्रूखाबाद, इटावा, कन्नौज, कानपुर, अकबरपुर, जालौन, झाँसी र हमिरपुर।
३) राजस्थान- टोन्क-सवाई माधोपुर, अजमेर, पाली, जोधपुर, बाडमेर, जालौर, उदयपुर, बाँसवाडा, चित्तौडगढ, राजसमन्द, भीलवाडा, कोटा र झालावाड-बाराँ।
४) पश्चिम बंगाल- बहरमपुर, कृष्णनगर, राणाघाट, बर्धवान पूर्व, बर्धवान-दुर्गापुर, आसनसोल, बोलपुर र विरभुम।
५) मध्य प्रदेश- सिधी, शहडोल, जबलपुर, मन्डला, बालाघाट र छिँदवाडा।
६) उडिसा- मयुरभन्ज, बालासोर, भद्रक, जाजपुर, केन्द्रपाडा र जगतसिंहपुर।
७) बिहार- दरभंगा, उजियारपुर, समस्तीपुर, बेगूसराय र मुंगेर।
८) झारखंड- चतरा, लोहरदगा र पलामू।
९) जम्मु-काश्मीर- अनन्तनाग (कुलगाम)
अहिलेसम्म ३ चरणमा गरेर कूल ३ सय २ स्थानमा चुनाव भइसकेकाे तथा चौथाे चरणपछि ३ सय ७३ स्थानका लागि चुनाव हुने भारतीय निर्वाचन आयाेगले जनाएकाे छ। चाैथाे चरणकाे निर्वाचनमा ९ सय ४३ उम्मेदवार चुनावी मैदानमा छन्।
उम्मेदवारः आपराधिक क्रियाकलापमा संलग्नदेखि कराेडपतिसम्म
आजकाे निर्वाचनमा हिस्सा लिएकामध्ये १७ प्रतिशत उम्मेदवारविरुद्ध आपराधिक मुद्दा दायर भएका छन्। याे संख्या १ सय ५८ हुनआउँछ। त्यसबाहेक पनि २ सय १० यानेकी २३ प्रतिशत उम्मेदवार आपराधिक पृष्ठभूमीका छन्।
३ सय ६ जना उम्मेदवार कराेडपति छन्। ५ उम्मेदवारमाथि हत्या तथा २४ जना माथि हत्याकाे प्रयासकाे मुद्दा दायर भएका छन्। २१ उम्मेदवारमाथि महिला हिंसाकाे समेत आराेप लागेकाे छ।
अर्बपतिदेखि ५ सय भारु सम्पत्ति भएकासम्म उम्मेदवार
मध्य प्रदेशकाे छिन्दवाडाबाट भारतीय कांग्रेसका उम्मेदवार बनेका मुख्यमन्त्री कमलनाथका छाेरा नकुलनाथ याे चरणमा चुनावी मैदानमा भएका सबैभन्दा धनी उम्मेदवार हुन्। उनकाे कूल सम्पत्ति ६ अर्ब ६० कराेडभन्दा बढी छ।
राजस्थानकाे झालावाड-बाराँका स्वतन्त्र उम्मेदवार प्रिन्स कुमार याे चरणका सबैभन्दा गरिब उम्मेदवार हुन्। उनकाे सम्पत्ति मात्र ५ सय रुपैयाँ रहेकाे बताइएकाे छ।
महिल्ला उम्मेदवार १० प्रतिशत मात्रै, ९ जना निरक्षर
चाैथाे चरणमा ९६ जना मात्र महिला चुनावी मैदानमा छन्। याे कूल उम्मीदवारकाे संख्याकाे मात्र १० प्रतिशत हुन आउँछ।
निर्वाचन आयाेगका अनुसार आजकाे चुनावमा सहभागी ४ सय ४ (४४ प्रतिशत) उम्मेदवारले आफ्नाे शैक्षिक योग्यता ५ कक्षादेखि १२ कक्षासम्म पास गरेकाे उल्लेख गरेका छन्। ४ सय ५४ (४९ प्रतिशत) जना स्नातक तथा साेभन्दा माथिकाे शैक्षिक याेग्यता हासिल गरेका छन्। त्यसमाथि ९ उम्मेदवार निरक्षर छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1775575666.png)
-1764146706.png)
