बेइजिङ- 'बेइजिङ विश्व बागवानी एक्स्पोको २०१९' आइतबार सुरू भएको छ। चीनका राष्ट्रपति सी चिन फिङले १ सय ६२ दिने उक्त एम्स्पोको एक समारोहकाबीच उद्घाटन गरेका हुन्।
'हरित जीवन, सुन्दर घर' शीर्षकको बेइजिङ विश्व बागवानी एक्स्पोमा एक सय दश मुलुक र अन्तर्राष्ट्रिय संगठनले प्रदर्शनीमा भाग लिएका छन्।
बेल्ट एन्ड राेड इनिसिएटिभ (बिआरआई) सम्मेलन सम्पन्न भएलगत्तै सुरू भएको उक्त एक्स्पोको उद्घाटन समारोहमा ११ मुलुकका राष्ट्रानायक र विशेषदूत, सम्बन्धित अन्तर्राष्ट्रिय संगठनका जिम्मेवारी व्यक्ति, विश्व उद्योग र वाणिज्य क्षेत्रका व्यक्ति तथा बागवानी क्षेत्रका नामी विशेषज्ञ गरी ९ सय जनाको सहभागिता रहेकाे अधिकारीहरूले बताएका छन्।
उद्घाटन समारोह सुरु हनु अगाडि राष्ट्रपति सी र विभिन्न मुलुकका नेताले बेइजिङ विश्व बागवानी एक्स्पोको चिनियाँ संग्रहालयमा अवलोकन गरेका थिए। हरित पहाड र स्वच्छ पानी नै सुन र चाँदी जस्तै मूल्यवान धनसम्पति हुन् भन्ने कुरा सीले लामो समयदेखि प्रोत्साहित गरेकाे विकासको नारा हो।
चीनको खुन मिन विश्व बागवानी एक्स्पो, सांघाई विश्व एक्स्पो र पहिलो चिनियाँ अन्तर्राष्ट्रिय आयात एक्स्पोपछि चीनले आयोजना गरेको यो उच्चस्तरीय तथा सबभन्दा ठूलो अन्तर्राष्ट्रिय एक्स्पो हो।
राष्ट्रपतिले उद्घाटन समारोहलाई सम्वोधन गर्दै उत्पादन शक्तिको विकासका लागि वातावरणमा सुधार ल्याउनुपर्ने कुरामा जोड दिए। उक्त सभामा आर्थिक समाजको दिगो विकासका लागि स्वच्छ वातावरणको महत्वपूर्ण भूमिका हुने उनकाे भनाइ थियाे। रासस/सिन्ह्वा
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1771566457.png)
