आकर्षक व्यक्तित्वका लागि उचाइको भूमिका महत्वपूर्ण हुन्छ । तपाईं जतिसुकै सुन्दर भएपनि उचाईले साथ नदिएसम्म व्यक्तित्व आकर्षक हुन सक्दैन । उचाई कतिपय अवस्थामा आनुवंशिक कारणमा निर्भर हुन्छ । तर, यदि ठीक ढंगले आफ्नो खानामा भिटामिन र खनिज समावेश गर्नुहुन्छ भने हड्डी मजबूत हुने मात्र नभई उचाई पनि बढ्न मद्दत गर्छ । तर, यदि कुनै कारणले तपाईंको उचाई कम छ भने यी भिटामिनको सेवनबाट उचाई बढाउन सक्नुहुन्छ :
भिटामिन डी
हड्डी मजबूत बनाउन र लम्बाई बढाउन भिटामिन डीको भूमिका महत्वपूर्ण हुन्छ । यदि शरीरमा भिटामिन डीको कमी हुन्छ भने हड्डी पनि कमजोर हुन्छ। सूर्यको किरणका अलावा भिटामिन डी दूध, गोलभेडा, रसिलो फलफूल, आलु, काउली आदिबाट प्राप्त हुन्छ । यिनीहरुले उचाई बढाउन सहयोग गर्छन् । भिटामिन डीले उचाई बढाउन फस्फोरस र क्याल्सियमलाई लिएर शरीरको हड्डी मजबूत पार्न सहयोग गर्छन् ।
भिटामिन ए
शरीरको अंगले उचित रुपमा कार्य गर्नका लागि भिटामिन ए भएको खाना खानु जरुरी हुन्छ । यसबाट हड्डी मजबूत र स्वस्थ हुन्छ । यसका अलावा भिटामिन ए सेवनबाट आँखाको ज्योति पनि बढ्छ र छालामा निखारता आउछ । यसका लागि पालुंगो, चुकन्दर, गाँजर, कुखुराको मासु, दूध, बटर, गोलभेडा आदि खानुपर्छ ।
भिटामिन बि १
शरीरको विकासका लागि भिटामिन बि १ उपयोगी हुन्छ । यसले पाचन क्रियालाई सुचारु गर्छ र मुटु र स्नायु प्रणालीलाई पनि ठीक ढंगले चलाउन मद्दत गर्छ । यसका साथै यसले शरीरमा रगतको आपूर्तिलाई सही रुपमा गराउँछ । भिटामिन बि १ को मुख्य स्रोत चामल, बदाम, सोयाबिनलगायत हुन् ।
भिटामिन बि २
भिटामिन बि २ लाई राइबोफ्लेबिन पनि भनिन्छ । यो उचाई बढाउन अत्यन्त जरुरी हुन्छ । यसले हड्डी, छाला, कपाल र नङकोवृद्धिमा महत्वपूर्ण भूमिका खेल्छ । यो भिटामिनको स्रोत अण्डा, माछा तथा हरिया पात भएका खाद्यपदार्थ हुन् ।
भिटामिन सि
भिटामिन सिलाई एस्कर्बिक एसिड पनि भनिन्छ । यसले हड्डी र दाँत मजबूत बनाउछ । यो एक भरपूर एन्टिअक्सिडेन्ट हो र यसले रोग लाग्नबाट बचाउँछ । सानो उमेरमा भिटामिन सि भएको खाना खानाले वृद्धिमा सहयोग पु¥याउँछ । भिटामिन सिको मुख्य स्रोत गोलभेंडा, अमला एवं रसिला फलफूल हुन् ।
प्रोटीन
प्रोटीनयुक्त खाद्यपदार्थले शरीरलाई स्वस्थ बनाउनेमात्र नभई उचाई पनि बढाउछ । यसले शरीरका कोशिकाहरुलाई मर्मत गरी उनीहरुको निर्माणमा मद्दत गर्छ । जुन पदार्थमा एमिनो एसिड पाइन्छ, तिनले सही वृद्धि र शरीरले उचित रुपमा कार्य गर्ने क्षमता प्राप्त हुनछ । माछा, दूध, चिज, माछा, बदाम, दाल र चिकेनमा भिटामिन सि पाइन्छ ।
क्याल्सियम र मिनरल
हड्डी मजबूत बनाउन क्याल्सियमको महत्वपूर्ण भूमिका हुन्छ । दूध, चिज, दही, अण्डा आदि क्याल्सियमका राम्रा स्रोत हुन्, त्यसैले उचाई बढाउन यी खाद्यपदार्थको सेवन गर्नुपर्छ । पालुंगो, ब्रोकाउली, बन्दा, गाजर, दाल, बदाम, केरा, अंगुर आदि खाद्यपदार्थमा क्याल्सियम र मिनरल पाइन्छ । (अनुवाद सामग्री)
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
