बैंगलाेर- इन्डियन प्रिमियर लिग (आइपिएल) अन्तर्गत गएराति भएकाे खेलमा राेयल च्यालेन्जर्स बैंगलाेर विजयी भएकाे छ।
बैंगलाेरका एबी डिविलियर्सकाे ८३ रनकाे पारी खेलेपछि किंग्स इलाबेन पन्जाब १७ रनले पराजित भएकाे हाे।
पन्जाबका सामू जीतका लागि बैंगलाेरले २ सय ३ रनकाे लक्ष्य दिएकाे थियाे। तर निर्धारित २० ओभरमा पन्जावले ७ विकेटकाे क्षतिमा १ सय ८५ रन मात्रै बनाउन सक्याे।
पन्जाबका क्रिस गेलले २३, केएल राहुलले ४२, निकोलस पूरनले ४६ तथा डेविड मिलरले २४ रन बनाए पनि जीतका लागि त्याे पर्याप्त भएन।
बैंगलोरका उमेश यादवले ३ तथा नवदीप सैनीले २ विकेट हासिल गरे।
यसअघि टस हारेर ब्याटिङ गर्न मैदान छिरेकाे बैंगलाेरले पुरा ओभर खेल्दै ४ विकेटकाे क्षतिमा २ सय २ रनकाे विशाल याेगफल बनाएकाे थियाे। बैंगलोरका लागि पार्थिव पटेलले ४३, एबी डिविलियर्सलर् अविजित ८२ तथा मारकस स्टोइनिसले अविजित ४६ रनकाे पारी खेले।
बुधबारकाे जीतपछि बैंगलोर पहिलाे पटक अंक तालिकाकाे अन्तिमबाट दाेस्राे स्थानमा उक्लिएकाे छ। ११ खेलबाट ५ जीत हात पाेकाे पन्जाव अंक तालिकाकाे पाचाैं स्थानमा छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1763721444.png)
-1763559424.jpg)
-1764080971.png)
