नेपालगन्ज-आठौं राष्ट्रिय खेलकुद प्रतियोगिताअन्तर्गत भलिबल प्रतिस्पर्धमा पुरुषमा नेपाल प्रहरी क्लब र महिलामा सशस्त्र प्रहरीले स्वर्ण जितेका छन्।
खजुरा शुक्र भलिबल स्टेडियममा बुधबार भएको पुरुषको उपाधि भिडन्तमा प्रहरीले आर्मीमाथि ३-१ को जित निकालेको हो। पहिलो सेट प्रहरीले २५-१८ ले जित्दा दोस्रो सेट २३-२५ ले गुमायो। बाँकी दुई सेटमा २५-२० र २५-१८ ले विजयी हुँदै पुलिस च्याम्पियन बनेको हो।
यसअघि पहिलो सेमिफाइनल खेलमा पुलिसले गण्डकी प्रदेशलाई २५–२३,२५–१३,२०–२५ र २५–२० को सेटमा हराउदै फाईनल प्रवेश गरेको थियो। पुरुषको दोश्रो प्रतिस्पधात्मक सेमिफाइनल खेलमा आर्मीले एपिएफमाथि १८–२५, २५–२२, ३१–३३, २५–२१ र १५–११ को कठिन जित निकाल्दै चिरप्रतिद्धन्द्धि पुलिससँग फाईनल भेट पक्का गरेको थियो।
महिला एपिएफले प्रदेश ३ लाई सोझो सेटमा हराएर उपाधि जित्यो। पहिलो सेट २५-११ ले जितेको एपिएफले दोस्रो सेट २५-२३ र तेस्रो सेट २५-१९ ले विजयी भयो।
यसअघि पहिलो सेमिफाइनलमा एपिएफले गण्डकी प्रदेशलाई २५–९,२५–१६ र २५–९ को सेटमा हराउँदा प्रदेश ३ ले पुलिसलाई २५–२३,२५–११ र २५–१८ को सेटमा स्तब्ध बनाएको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1763721444.png)
-1763559424.jpg)
-1764080971.png)
