नेपालगन्ज- नवौं बृहत राष्ट्रिय खेलकुद प्रतियोगिता गण्डकी प्रदेशमा हुने भएको छ। राष्ट्रिय खेलकुद परिषद्को बुधबार बसेको बोर्ड बैठकले नवौं बृहत राष्ट्रिय खेलकुद २०७७ को फागुन २० देखि २७ सम्म पोखरालाई केन्द्रित गरेर प्रतियोगिता आयोजना गरिने निर्णय गरेको हो।
उपाध्यक्ष पिताम्बर तिम्सिनालको अध्यक्षतामा बुधबार नेपालगन्जमा बसेको बोर्ड बैठकले गण्डकी प्रदेशलाई आयोजनाको जिम्मा दिने निर्णय गरेको हो।
युवा तथा खेलकुद मन्त्री जगतबहादुर विश्वकर्मा अनुपस्थित भएपछि तिम्सिनाले बैठकको अध्यक्षता ग्रहण गरेका थिए। गण्डकी प्रदेशलाई आयोजनाको जिम्मेवारी दिने प्रस्ताव आफुले गरेको तिम्सिनाले नेपाल लाइभलाई बताए। नवौंको आयोजनाका लागि कर्णाली प्रदेशको पनि दावेदारी थियो।
दुई वर्ष अघि पूर्वाञ्चलमा आयोजना भएको सातौं बृहतमा गण्डकी प्रदेशले आठौंको आयोजनाका लागि दावी गरेको थियो। तर, तत्कालीन खेलकुद मन्त्री दलजीत श्रीपालीको आफ्नो क्षेत्रमा गर्ने अडान लिएपछि गण्डकीको स्थानले आयोजनाको अधिकार अन्तिम समयमा गुमाएको थियो। मन्त्रीका कारण प्रदेश ५ ले आठौं आयोजनाको अधिकार पाएको थियो।
पोखरामा दोस्रो पल्ट बृहत राष्ट्रिय खेलकुद आयोजना हुने लागेको हो। २०४० सालमा पोखराले दोस्रो बृहत राष्ट्रिय प्रतियोगिता आयोजना गरेको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1763721444.png)
-1763559424.jpg)
-1764080971.png)
