नेपालगन्ज- आठौं राष्ट्रिय खेलकुदअन्तर्गत पौडीमा मंगलबार चार वटा राष्ट्रिय कीर्तिमान बनाएका छन्। एपिएफ क्लबका शुभम् श्रेष्ठ, आर्मीकी गौरिका सिंह र नेपाल पुलिसका सयद हम्जा साहले राष्ट्रिय कीर्तिमान बनाएका हुन्।
शुभमले ५० मिटर ब्रेस्ट स्टोकको हिटमा ३१.६० सेकेन्डमा पौडिएर नयाँ कीर्तिमान बनाएका हुन्। यसअघि उनकै नाममा ३२.०१ सेकेन्डको रेकर्ड थियो। फाइनलमा उनले ३१.९० मा पौडिएर स्वर्ण जिते। नेपाल पुलिसका दिपाङ्कर अवाले दोस्रो र एपिएफका बैभग्यराज जोशी तेस्रो भए।
यस्तै १०० मिटर बटरफ्लाइमा सयद हम्जाले रेकर्ड बनाए। हिट चरणमा सयदले १ मिनेट ००.२५ सेकेन्डमा पौडिएर कीर्तिमान बनाएका थिए। यसअघि अनुभव सुब्बाले १ मिनेट ०१.०१ सेकेन्डमा पौडिएर रेकर्ड बनाएका थिए। राष्ट्रिय रेकर्ढ बनाए पनि हम्जा रजतमा खुम्चिए। उनलाई अनुभव सुब्बाले पछि पारे। अनुभवले १ मिनेट 00.६२ र हम्जाले १ मिनेट 00.६६ मा पौडिए। एनआरएनका नाथान दोर्जी शेर्पा तेस्रो भए।
यस्तै गौरिका सिंहले १ मिटर बटरफ्लाइमा राष्ट्रिय रेकर्ड बनाइन्। उनले निर्धारित दूरी १ मिनेट ०७.९७ मा पूरा गर्दै स्वर्णसहित राष्ट्रिय रेकर्ड बनाइन्। यसअघि यो रेकर्ड उनकै नाममा थियो। उनले १ मिनेट ८.६३ सेकेन्डमा पौडिएर रेकर्ड बनाएकी थिइन्। यो स्पर्धामा आर्मीकै दुवाना लामा दोस्रो र एपिएफकी श्रीबी महर्जन तेस्रो भइन्।
गौरिकाले २ सय मिटर ब्याकस्ट्रोमा पनि स्वर्ण जितिन्। उनले निर्धारित दूरी २ मिनेट ४१.२५ सेकेन्डमा पार गरिन्। नेपाल पुलिसकी अनुस्का पोखरेल दोस्रो र एपिएफकी दिया स्थापित तेस्रो भइन्।
गौरिकाले २ सय मिटर फ्रिस्टाइनलमा पनि स्वर्ण जितिन्। यो स्पर्धा उनले २ मिनेट ९.१९ सेकेन्ड मा निर्धारित दूरी पार गरिन्। आर्कीकै दुवाना लामा दोस्रो र एपिएफकी तिसा शाक्य तेस्रो भइन्।
गौरिकासहितको आर्मी टिमले महिला ४ गुणा सय मिटरको रिले जित्यो। आर्मीको टिममा गौरिका, उपास्नी महर्जन, दुवाना लामा र सोफिया गुरुङ थिए।
पुरुष ४ गुणा सय मिटरको स्वर्ण नेपाल पुलिसले जित्यो। पुलिसका सायद हम्जा साह, दिपाङ्कर अवाले, तेन्जिङ नाङगेल रायन गुरुङ थिए। यसमा एपिएफ दोस्रो र आर्मी तेस्रो भए।
२ सय मिटर ब्याकस्टोकमा एनआरएनका नाथान दोर्जी शेर्पा पहिलो हुँदा तेन्जिङ नाङगेलले जिते। महिला ५० मिटर ब्रेस्टस्कोको स्वर्ण आर्मीकी दुवाना लामाले हात पारिन् भने पुरुष २ सय मिटर फ्रिस्टस्टायलमा पुलिसका गौरव लामा पहिलो भए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1763721444.png)
-1763559424.jpg)
-1764080971.png)
