काठमाडौं- नक्कली भ्याट बिल प्रकरणमा सर्वोच्च अदालतले निरन्तर सुनुवाइ गर्दै टुङ्गाउने भएको छ।
प्रधानन्यायाधीश चोलेन्द्र शमशेर राणासहितको पूर्ण इजलासमा सोमबार सुरु भएको अन्तिम सुनुवाईमा चार कम्पनीमध्ये भाटभटेनी सुपर मार्केटको मुद्दामा पक्षका कानुन व्यवसायीले बहस गरेका छन्।
भाटभटेनीका तर्फबाट बहस गर्ने कानुन व्यवसायीले नक्कली बिलमार्फत् राजश्व ठगी नगरेको दाबी गरेका छन्। राजश्व अनुसन्धान विभाग र राजश्व न्यायाधीकरणले गरेको फैसला त्रुटीपूर्ण भएकाले सच्याइनु पर्ने दाबी गरेका छन्।
भाटभटेनीका तर्फबाट बरिष्ठ अधिवक्ता सुशील पन्तको नेतृत्वमा वकिलहरु बहसमा उत्रेका थिए। पन्तले नेपालमा सुपरमार्केटको चलन चलाएर सस्तोमा जनतालाई सेवा दिने कार्य भाटभटेनीले चलाएको भन्दै राजस्व छलीको आरोप गलत भएको दाबी गरे।
सर्वोच्चमा अरुण इन्टरकन्टिनेन्टल, शंकर ग्याँस र महेश बानियाँको मुद्दा एकै साथ सुनुवाइ चलिरहेको छ।
भाटभटेनी बाहेक अन्य दुई कम्पनीका तर्फबाट बहस गर्न बाँकी रहेकाले केही हप्ता उक्त मुद्दाको सुनुवाइ चलिरहने छ। बैशाख १६ गतेका लागि उक्त मुद्दाको अर्को पेसी तोकिएको छ।
उनीहरुले राजस्व न्यायाधिकरणबाट हारेकाले सर्वोच्चको फैसलामा चलखेल गरिरहेका छन्।
नक्कली बिलमार्फत् करिब ६ अर्ब रुपैयाँ बराबर ठगी गरेको प्रकरणमा भाटभटेनी मात्र होइन देशका प्रतिष्ठित व्यापारिक घरानासमेत मुछिएका थिए। भाटभटेनीले त ३६ वटा विभिन्न फर्मबाट नक्कली बिल खरिद गर्ने गरेको रहस्य खुलिसकेको छ।
२०५४ सालदेखि चलिरहेको विवाद छिट्टै किनारा लाग्ने आशा गरिए पनि पटक–पटक सर्दै आएको छ।
नक्कली बिलबिजक बनाएर ठूलो परिमाणमा मूल्य अभिवृद्धि कर (भ्याट) छली भएको प्रकरणले करिब ८ वर्षअघि राजस्व क्षेत्रमा ठूलो कम्पन सिर्जना गरेको थियो। आन्तरिक राजस्व विभागले करिब एक वर्ष लगाएर गरेको अनुसन्धानले झुठो एवं नक्कली भ्याट बिजक बनाई ६ अर्ब रुपैयाँभन्दा बढीको कर छली गरिएको ‘सनसनीपूर्ण’ तथ्य सार्वजनिक भएको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
