काठमाडौं– आइतबार बिहान सिंहदरबार अगाडि भएको दुर्घटनामा मोटरसाइकल चालकको मृत्यु भएको छ। ट्याक्सी र मोटरसाइकल जुध्दा मोटरसाइकल चालक २४ वर्षीय रुप घलेको मृत्यु भएको हो।
बा२ज २३४४ नम्बरको ट्याक्सी र बा३३प ७४३ नम्बरको मोटरसाइकल ठक्कर खाँदा धादिङ रुबी भ्यालीका घलेको मृत्यु भएको हो। महानगरीय प्रहरी वृत्त सिंहदरबारका डिएसपी अपिल बोहोराका अनुसार भद्रकालीबाट सिंहदरबारतर्फ जाँदै गरेको ट्याक्सी र सिंहदरबारबाट भद्रकालीतर्फ जाँदै गरेको मोटरसाइकल ठोक्किएका थिए।
ट्याक्सी चालकले तिव्र गतिमा रहेको मोटरसाइकले ट्याक्सीलाई ठक्कर दिएको दाबी गरेका छन्। ट्याक्सी चालकलाई सिंहदरबार वृत्तले हिरासतमा राखी अनुसन्धान अघि बढाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
