नेपाल लाइभ

विमानस्थलमा दीपक मल्होत्राको रजाइँ–६ : हवाई उडानलाई समेत असर गर्ने गरी भवन निर्माण

नेपाल लाइभ शनिबार, चैत ३०, २०७५ ०७:२४

काठमाडौं– त्रिभुवन अन्तर्राष्ट्रिय विमानस्थल कार्यालयको ५२ रोपनी जग्गा भाडामा लिएर व्यापारिक भवन बनाइरहेका व्यवसायी दीपक मल्होत्राले सो स्थानमा निर्माण गरेको संरचनाले हवाई उडानलाई असर पार्ने दाबी महालेखा परीक्षकको कार्यालयको छ।

व्यवसायी मल्होत्राले त्रिभुवन अन्तराष्ट्रिय विमानस्थलको गोल्डेन गेटको पूर्वतर्फको जग्गामा व्यावसायिक भवन निर्माण गर्न सम्झौता गरेका थिए। तर सो भवन सम्झौता बमोजिम नभएको तथ्य शुक्रबार सार्वजनिक गरिएको महालेखाको ५६औं प्रतिवेदनमा उल्लेख छ।

मल्होत्राले सम्झौतामा नै नभएको भूमिगत पार्किङ निर्माण समेत गरेको महालेखाको प्रतिवेदनमा उल्लेख छ। स्वीकृत डिजाइनअनुसार भवनको उचाई ३७ फिट मात्र बनाउनुपर्ने थियो।

तर, मल्होत्राले हवाई उडानमा समेत असर पर्ने गरी ५२ फिट उचाई हुने गरी संरचना बनाएको महालेखाको प्रतिवेदनमा उल्लेख छ। जसकारण विमानस्थलको हवाई उडान समेत असुरक्षित भएको महालेखाको प्रतिवेदनमा उल्लेख छ।

सम्झौताभन्दा फरक हुने गरी निर्माण कार्य गरेको सम्बन्धमा छानबिन गरी आवश्यक कारबाही गर्नसमेत महालेखाले सुझाव दिएको छ। साथै मल्होत्राले २१ महिनाभित्र निर्माण सम्पन्न गर्नुपर्ने संरचना साढे ६ वर्षसम्म निर्माण सम्पन्न नगरी जग्गाको भाडा समेत नतिरेको प्रतिवेदनमा उल्लेख छ।

तर व्यवसायी मल्होत्राले विमानस्थल कार्यालयको सहमतिमै भवनको उचाइ बढाइएको दाबी गरेका छन्। ‘हामीले उता दुई तहको पार्किङ बनाउनुपर्ने भएपछि सहमति अनुरुपले भवनमा तला थप्ने सहमति भएको हो’, उनले भने, ‘जहाँसम्म २१ महिनाभित्र निर्माण सम्पन्न गर्ने कुरा छ, त्यसमा सरकारी प्रक्रिया र भूकम्पजस्ता पक्षहरुले गर्दा काम ढिलो हुन गएको हो। हाम्रो कुनै गल्ती छैन।’

विमानस्थलमा व्यापारी मल्होत्राको रजाइँबारे नेपाल लाइभका थप खोज सामग्री

त्रिभुवन अन्तर्राष्ट्रिय विमानस्थलको ५२ रोपनी जग्गामा दीपक मल्होत्राको रजाइँ-१

विमानस्थलमा मल्होत्राको रजाइँ-२ : नियमविपरीत १८ महिना समय थप, अवैधानिक भाडा असुली

विमानस्थलमा मल्होत्राको रजाइँ-३ निर्माण सम्पन्न नभएका संरचनामा बैंकदेखि बेकरीसम्म राखी अवैध भाडा असुली

विमानस्थलमा दीपक मल्होत्राको रजाइँ-४ : नक्सा पासै नगरी ठड्याए ५ तले भवन

विमानस्थलमा दीपक मल्होत्राको रजाइँ-५ : बक्यौता भुक्तानीका लागि १८ पत्र पठाउँदा २ करोड मात्रै दाखिला

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

एसीसीको घोषणा: नेपालको ओडीआई मान्यता जोगियो

शीर्ष ६ मा रहँदै नेपालले टुङ्ग्यायो लीग २ क्रिकेट, के हुन्छ नेपालको ओडिआई मान्यता ?

रोहित, दीपेन्द्र र देवको अर्धशतकमा ओमानमाथि नेपालको रोमाञ्चक जित