काठमाडौंमा दुई सवारी दुर्घटना: एक जनाको मृत्यु, प्रहरी हवल्दार घाइते

ब्लग

नेपाल लाइभ बिहीबार, कात्तिक २३, २०७४ ०९:४७

काठमाडौं- गोकर्णेश्वर-५ नारायणटारमा ना १ क २१७१ नम्बरको टिपरको ठक्करबाट एक जनाको मृत्यु भएको छ। मृत्यु हुनेमा सोही ट्रिपरमा काम गर्दै आएका गौरीघाट बस्ने भारत समस्तिपुरका ३५ वर्षीय अजय कोदार रहेका छन्।

दुर्घटनामा गम्भीर घाइते उनलाई नेपाल मेडिकल कलेज अत्तरखेल पुर्‍याउनासाथ डाक्टरले मृत घोषित गरेका थिए। दुर्घटनापश्चात् टिपर चालक फरार रहेकाले खोजी भइरहेको महानगरीय प्रहरी वृत्त बौद्धले जनाएको छ।

यसैगरी काठमाडौंको लगनमा गएराति रोकिराखेको बा ३ ख ८३६० नम्बरको मिनी टाटामा को २५ प ३६१ नम्बरको मोटरसाइकल ठोक्किँदा एक जना घाइते भएका छन्। राति पौने १२ बजे भएको दुर्द्घटनामा मोटरसाइकलको पछाडि सवार महानगरीय प्रहरी प्रभाग नागढुंगामा कार्यरत प्रहरी हवलदार हेटबहादुर विष्ट घाइते भएका हुन्।

घाइतेको राष्ट्रिय ट्रमा सेन्टरमा उपचार भइरहेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सुडानमा विद्रोही अर्धसैनिक समूहको आक्रमणमा १४ जनाको मृत्यु

खो खो विश्वकप : पुरुषतर्फ पनि नेपाल उपविजेता, भारत च्याम्पियन

कोलम्बियामा विद्रोहीको आक्रमणमा परी ६० जनाको मृत्यु