फाइल तस्बिर
काठमाडौं- नेपाल विद्युत प्राधिकरणका कार्यकारी निर्देशक कुलमान घिसिङले आफ्ना विरुद्ध षड्यन्त्र भईरहेको बताएका छन्।
सोमबार प्राधिकरणमा पत्रकार सम्मेलन गर्दै घिसिङले पूर्व कार्यकारी निर्देशकहरू र प्राधिकरणभित्रका केही कर्मचारी आफ्नो विरुद्ध लागेको बताएका हुन्।
‘पछिल्लो समय प्राधिकरणका केही कर्मचारी पूर्व कार्यकारी निर्देशकहरुका ईशारामा मेरा विरुद्ध षड्यन्त्र गरिरहेका छन्। प्राधिकरणका केही कर्मचारीलाई हामी लोडसेडिङ अन्त्य गरेर नाफा कमाईरहेका छौं भनेर विश्वास नै भएको छैन। उनीहरुलाई त्यो पचेको नै छैन। जसका कारण उनीहरु मेरो विरुद्ध लागेर जे मन लाग्यो त्यही बोल्दै हिँडेका छन। अनर्गल प्रचारबाजी गरिरहेका छन्,' उनले भने।
जुन व्यक्तिहरु पहिले लोडसेडिङ गर्न लागिपरेको थिए त्यही पात्र र समूह अहिले पनि आफ्नो विरुद्ध षड्यन्त्र रचिरहेकोको उनको भनाई छ।
‘प्राधिकरण ९ अर्बसम्म घाटामा जाँदा पनि कसैको चाँसो भएन, तर अहिले नाफा कमाउन थालेपछि उनीहरु आत्तिएका छन्। पाँच तहका कर्मचारी मेरा विरुद्ध लागेर बाहिर जे पायो त्यही बोल्दै हिडेको भन्ने सुनेको छु। मैले पनि उनीहरुको नियत बुझेको छु। को-कसबाट परिचालित छ भनेर बुझेको छु,’ घिसिङले भने।
आफ्ना विरुद्ध षड्यन्त्र रच्न प्राधिकरणका पूर्व कार्यकारी निर्देशक र पूर्वकर्मचारीहरुका इशारामा प्राधिकरणभित्रकै कर्मचारी र ट्रेड युनियन लागेको उनको भनाइ छ।
‘प्राधिकरणलाई संकटमा राख्न नपाएर छट्पटिएकाहरु फेरि जाग्न खोज्दैछन्। प्राधिकरणमा फेरी हिजोकै खेल सुरु गर्न खोजिँदैछ। तर त्यसलाई मैले कुनै पनि हालतमा सफल हुन दिन्न,’ उनले ठोकुवा गरे।
पत्रकार सम्मेलनमा कुलमानले प्राधिकरणमा रहेको ट्रेड युनियन र युनियनमा आबद्ध केही कर्मचारीलाई स्पष्ट रुपमा इंगित गर्दै आफूविरुद्ध लागेको धारणा राखेका थिए।
अहिले प्राधिकरणमा कुनै आधिकारिक ट्रेड युनियन नै नभएको उनको भनाइ छ।
‘निर्वाचित र आधिकारिक ट्रेड युनियन गत फागुन १७ गतेबाट आधिकारिक रहेन,' उनले भने, 'नयाँ चुनावका लागि हामीले सहयोग गछौं भनेकौ छौं, तर केही व्यक्तिहरु आफैं चुनाव भाड्ने र प्राधिकरण व्यवस्थापनलाई बेइजत गर्न लागिपरेका छन।'
आफ्ना विरुद्ध षड्यन्त्र गर्नेहरुकै पछि लागेर केही समचार माध्यामले आफूले ६० लाख बैठक भक्ता लिएको भन्ने समाचारप्रति पनि उनले आपत्ति जनाए।
‘मैले बैठकभत्ता ६० लाख बुझ्यो रे भनेर व्यक्तिगत रुपमा आक्षेप लगाएर बदनाम गर्ने उद्देश्यले कुराहरू बाहिर आएका छन्।
मैले नेपाल सरकारसँग कार्यसम्पादन करार गरिसकेपछि इन्सेन्टिभका रुपमा मासिक २ लाख गरी वर्षमा २४ लाख र बैठक भत्ताका रुपमा ६ लाख रुपैयाँ लिएको छु। यसलाई नै केही मानिसहरुले ६० लाख भत्ता लियो रे भनेर अनर्गल प्रचार गर्दै आएका छन।’ बैठक नै नगरिकन बैठकभत्ता लिएको भन्ने कुरामा कुनै सत्यता नभएको उनको भनाई थियो।
हिजो कसरी लोडसेडिङ भईरेको थियो र कसले प्राधिकरणलई लुटिरहेको थियो भन्ने प्रमाण आफुसँग रहेको भन्दै आवस्यक परे त्यसलाई बाहिर ल्याउन आफुलाई कुनै कठिनाई नहुनेसमेत उनले धारणा राखेका छन। अहिले आफ्ना विरुद्ध लाग्न खोजेकाहरु विगतमा प्राधिकरणलई लुटेर खान पल्किएकाहरु रहेको उनको भनाई थियो। ‘यो सबै विगतका केही मान्छेहरुको निर्देशनमा भएको छ।
प्राधिकरणको को–को कर्मचारी संलग्न छन भनेर हामी आन्तरिक रुपमा अध्ययन पनि गरिरहेका छौं। विगतका एमडीहरुले कसरी प्राधिकरणका कर्मचारीलाई सञ्चालन गरिहरको छन भन्ने कुरा मैले बुझेको छु। केही गर्न नपाएपछि छटपटाएर अभिव्यक्ति दिँदै हिँडेका छन। म उनीहरु जस्तो कमजोर एमडी होईन। मसँग उनीहरुका कामका एक–एक हिसाब किताब छ, कसले कति लुटेको थियो भन्ने हिसाबकिताब मसँग छ। आवस्यक परे सार्वजनिक गर्छु’ घिसिङले भने।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
