गोरखामा उम्मेदवार चढेको मोटरसाइकलबाट पेस्तोल र गोली बरामद

ब्लग

नेपाल लाइभ मंगलबार, कात्तिक २१, २०७४ १८:०२

गोरखा- माओवादी केन्द्रकी नेतृ तथा प्रतिनिधिसभा समानुपातिकतर्फका उम्मेदवार सुशीला सिम्खडा चढेको मोटरसाइकलबाट प्रहरीले पेस्तोलसहित तीन राउन्ड गोलीे बरामद गरेको छ।

गोरखा आरुघाट गाउँपालिकाबाट बा७३प ३३८६ नम्बरको मोटरसाइकलमा चढेर भीमसेन गाउँपालिकातर्फ जाँदै गर्दा धावामा मोटरसाइकल चेकिङ गर्ने क्रममा ९ एमएम पेस्तोल र तीन थान गोली बरामद गरेको जिल्ला प्रहरी कार्यालय गोरखाका प्रहरी उपरीक्षक प्रकाश अधिकारीले बताए।

मोटरसाइकल चालक भीमसेन–४ का गुणप्रसाद खनालले बोकेको झोला खानतलासी गर्दा प्रहरीले सो हतियार र गोली बरामद गरेको हो। खनाल भने झोला छाडेर भागेको प्रहरीले जनाएको छ। मोटरसाइकल प्रहरीको नियन्त्रणमा छ।

सिम्खडाले आफूले खनालसँग मोटरसाइकलमा ‘लिफ्ट’ मात्रै मागेकाले हतियारको विषयमा आफूलाई केही जानकारी नभएको बताएकी छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सुडानमा विद्रोही अर्धसैनिक समूहको आक्रमणमा १४ जनाको मृत्यु

खो खो विश्वकप : पुरुषतर्फ पनि नेपाल उपविजेता, भारत च्याम्पियन

कोलम्बियामा विद्रोहीको आक्रमणमा परी ६० जनाको मृत्यु