हजुरआमाको दाहसंस्कार गर्ने क्रममा कालीगण्डकीबाट बेपत्ता युवकको शव फेला

ब्लग

नेपाल लाइभ मंगलबार, कात्तिक २१, २०७४ १२:३२

पाल्पा- कालीगण्डकी नदीको राम्दीबाट हराएका युवाको शव फेला परेको छ।

बिहीबार राम्दी नदीमा नुहाउने क्रममा बेपत्ता बनेका बगनासकाली गाउँपालिका–२, पोखराथोकका २६ वर्षीय हरिबहादुर गाहाको शव रम्भा गाउँपालिकाको हुँगीस्थित असर्दीमा सोमबार भेटिएको राम्दी प्रहरी चौकीले बताएको छ। उनी बिहीबार हजुरआमाको दाहसंस्कार गरी नुहाउने क्रममा गाहा नदीमा बेपत्ता भएका थिए।

राम्दी प्रहरी चौकी र स्थानीय बासिन्दाले नदी आसपासको क्षेत्रमा खोजी कार्य गरिरहेको भए पनि फेला पार्न सकेका थिएनन्। मलामी गएका बेला राम्दीस्थित नदीमा बेपत्ता बनेका गाहाको मृत्युले गाउँ अझै शोकमा डुबेको छ।

नदी किनारामा कपडा र मोबाइल राखेर नुहाउन गएका उनी हराएपछि प्रहरीलाई मलामीले खबर गरेका थिए।

कालीगण्डकी नदीमा नुहाउने क्रममा बगाएर ज्यान गुमाउनेको संख्या अझै रोकिएको छैन। दाहसंस्कार गर्ने उपयुक्त क्षेत्रको अभावमा नुहाउन गएकाहरु मृत्युको मुखमा पुग्न बाध्य छन्।रासस

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सुडानमा विद्रोही अर्धसैनिक समूहको आक्रमणमा १४ जनाको मृत्यु

खो खो विश्वकप : पुरुषतर्फ पनि नेपाल उपविजेता, भारत च्याम्पियन

कोलम्बियामा विद्रोहीको आक्रमणमा परी ६० जनाको मृत्यु