एमालेद्धारा तीन जनाको सदस्यता खारेज

ब्लग

नेपाल लाइभ सोमबार, कात्तिक २०, २०७४ १८:५६

राजविराज – पार्टी एवं वाम गठबन्धनका निर्णय विपरीत उम्मेदवारी दिएको र उम्मेदवारी दिनेको प्रस्तावक एंव समर्थकमा बसेका तीन जनालाई नेकपा ९एमाले० सप्तरीले आज कार्वाही गरेको छ ।

कार्वाही हुनेमा सप्तरीे क्षेत्र नं १ प्रदेश सभा सदस्य ९क० को निर्वाचनमा पार्टीको आधिकारिक उम्मेदवारविरुद्ध मनोनयन दर्ता गराउने कञ्चनरुप नगरपालिका–७ धर्मपुरका प्रकाश खतिवडा तथा बागी उम्मेदवारको प्रस्तावक एंव समर्थकमा बस्ने कञ्चनरुप नगरपालिका–१२ का अनिल पोखरेल र कञ्चनरुप नगरपालिका–६ का मोहम्द मुस्तफा मियाँलाई पार्टीको सदस्यता खारेज हुने गरी कार्वाही गरिएको नेकपा एमाले सप्तरीले जनाएको छ ।

पार्टीको हित र प्रतिष्ठामा आँच पु¥याउने तथा पार्टीका विरुद्ध शत्रुतापूर्ण गतिविधि गरेकाले जिल्ला समिति सचिवालयको बैठकबाट पार्टी विद्यानको धारा ५ को घ तथा धारा ४९ बमोजिम पार्टीको सदस्यता समाप्त हुने गरी कार्वाही गरिएको जिल्ला अध्यक्ष गोविन्द न्यौपानेले आज जारी गरेको विज्ञप्तिमा उल्लेख छ ।

उनीहरु अब उप्रान्त पार्टीको कुनै पनि पद र साधारण सदस्यमा समेत नरहेको सो पार्टीले जनाएको छ । रासस

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सुडानमा विद्रोही अर्धसैनिक समूहको आक्रमणमा १४ जनाको मृत्यु

खो खो विश्वकप : पुरुषतर्फ पनि नेपाल उपविजेता, भारत च्याम्पियन

कोलम्बियामा विद्रोहीको आक्रमणमा परी ६० जनाको मृत्यु