बस दुर्घटनामा परिवार गुमाएका झालाई आर्थिक सहयोग

ब्लग

नेपाल लाइभ सोमबार, कात्तिक २०, २०७४ १०:०३

राजविराज- बस दुर्घटनामा छोरा, बुहारीसहित परिवारका पाँच जना सदस्य गुमाएका सप्तरीको तिलाठी कोइलाडी गाउँपालिका–१ निवासी रमानाथ झालाई तिलाठी कोइलाडी गाउँपालिकाले ५० हजार आर्थिक सहयोग गरेको छ।

गाउँपालिकाका अध्यक्ष सतिशकुमार सिंह र उपाध्यक्ष सुचीता यादवले तिलाठीस्थित झाको घरमा पुगेर आइतबार ५० हजारको चेक हस्तान्तरण गरेका हुन्।

गत कात्तिक ११ गते राजविराजबाट काठमाडौँ जाँदै गरेको ना६ख १४६७ नंको बस धादिङको त्रिशूली नदीमा दुर्घटना हुँदा झाका परिवारसहित ३१ जनाको मृत्यु भएको थियो।

सो दुर्घटनामा परी उनका दुई छोरा ३८ वर्षीय सञ्जीतकुमार झा, ३३ वर्षीय अञ्जीतकुमार झा, बुहारी ३५ वर्षीया सिम्मीकुमारी झा, नाति ९ वर्षीय अभिनव झा र तीन वर्षीय प्रतीकको मृत्यु भएको थियो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सुडानमा विद्रोही अर्धसैनिक समूहको आक्रमणमा १४ जनाको मृत्यु

खो खो विश्वकप : पुरुषतर्फ पनि नेपाल उपविजेता, भारत च्याम्पियन

कोलम्बियामा विद्रोहीको आक्रमणमा परी ६० जनाको मृत्यु