मोरङमा २३ जनाको उम्मेदवारी फिर्ता

ब्लग

नेपाल लाइभ आइतबार, कात्तिक १९, २०७४ १७:४८

विराटनगर– मंसिर २१ गते हुने प्रदेश नम्बर १ को निर्वाचनका लागि मोरङमा मनोनयन दर्ता गराएका १ सय ९२ उम्मेदवारमध्ये २३ जनाले उम्मेदवारी फिर्ता लिएका छन्। उम्मेदवारी फिर्तासँगै अब मैदानमा १ सय ६९ जना रहेका छन्।

आइतबार प्रतिनिधिसभातर्फ ६ जनाले र प्रदेशतर्फ १७ जनाले उम्मेदवारी फिर्ता लिएको क्षेत्रीय निर्वाचन कार्यालय मोरङका सूचना अधिकृत हेमन्तकुमार श्रीवास्तवले जानकारी दिए ।

प्रतिनिधिसभातर्फ क्षेत्र नम्बर ३ बाट २ र क्षेत्र नम्बर ४ बाट २ जना स्वतन्त्र उम्मेदवारले उम्मेदवारी फिर्ता लिएका हुन् । नेपाली कांग्रेस केन्द्रीय सदस्य डा शेखर कोइरालाले उम्मेदवारी दिएको मोरङ क्षेत्र नम्बर ६ मा नेपाली कांग्रेस (विपी) तर्फका उम्मेदवार केदारनाथ अर्यालले उम्मेदवारी फिर्ता लिएका छन्।

त्यस्तै, क्षेत्र नम्बर १ मा जनप्रजातान्त्रिकका कुलबहादुर लिम्बूले पनि उम्मेदवारी फिर्ता लिएका छन्।

प्रदेशतर्फ भने १७ जनाले उम्मेदवारी फिर्ता लिए । जसमा राप्रपाका ६ जना, स्वतन्त्रबाट ५ जना, राप्रपा प्रजातान्त्रिकबाट ४ जना र जनमुक्ति पार्टीबाट १ जना छन्।

मोरङमा प्रतिनिधिसभातर्फ ६१ र प्रदेशसभामा १ सय ८ जनाको उम्मेदवारी परेको थियो । प्रतिनिधिसभातर्फ ६१ जनाले उम्मेदवारी दर्ता गराउँदा महिलातर्फ ३ जनाको मात्र उम्मेदवारी परेको निर्वाचन कार्यालयले जनाएको छ।

यस्तै, क र ख गरी कुल १२ वटा प्रदेशसभामा १ सय जना पुरुष र ८ जना महिलाले उम्मेदवारी दिएका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सुडानमा विद्रोही अर्धसैनिक समूहको आक्रमणमा १४ जनाको मृत्यु

खो खो विश्वकप : पुरुषतर्फ पनि नेपाल उपविजेता, भारत च्याम्पियन

कोलम्बियामा विद्रोहीको आक्रमणमा परी ६० जनाको मृत्यु