काठमाडौं– भारतका युवा विकेटकिपर ब्याट्सम्यमन रिशव पन्तले आइपिएल क्रिकेटअन्तर्गत आइतबार कोलकता नाइटराइडर्सविरुद्धको खेलका दौरान माइक्रोफोनमा बोलेको अडियो भाइरल बनेको छ।
दिल्ली क्यापिटल्सका विकेटकिपर पन्तले चौथो ओभरमा बोलेको अडियो क्लिप सम्पादन गरेर बनाइएको भिडियो अहिले समाजिक सञ्जालमा भाइरल बनिरहेको हो। खेलको चौथो ओभरमा पाँचौ बलमा उनले बोलेको कुरालाई सम्पादन गरेर सामाजिक सञ्जालमा राखिएको छ। सो ओभरमा दिल्लीका लागि नेपाली युवा लेग स्पिनर सन्दीप लामिछानले बलिङ गरेका थिए।
भिडियो भाइरल बनेपछि भारतीय क्रिकेट कन्ट्रोल बोर्ड (बिसिसिआई) ले खण्डन गर्दै भ्रम फैलाउन खोजिएको दाबी गरेको छ।
भिडियो क्लिपमा विकेटकिपर पन्तले 'यो त चौका हैं' भनेको सुनिएको छ। लगत्तैको बलमा सन्दीप लामिछानेलाई कोलकताका ब्याट्सम्यान रोबिन उपथ्पाले चौका हिर्काएका थिए। यो खेलमा दिल्लीले सुपर ओभरमा जितेको थियो।
'कसैले पनि रिशव पन्तले त्यसअघि र पछि भनेका कुरा पूरा सुनेको छैन। उनले दिल्ली क्यापिटल्सका कप्तान श्रेयस इयरलाई चौका रोक्नका फिल्डर राख्न भनिरहेका थिए,' बिबिसिआईका उच्च पदाधिकालाई उद्धृत गर्दै भारतीय समाचार संस्था पिटिआईले लेखेको छ।
अडियो हटस्टारबाट लिइएको आशंका गरिएको छ। हटस्टार आइपिएलको अफिसियल डिजिटल पार्टनर हो। जहाँबाट क्लिप लिएर केहि सम्पादन भिडियो बनाइएको बिसिसिआईले बताएको छ। जुन क्लिपमा अघि र पछिको दृष्य काटिएको छ।
बिसिसिआईका अधिकारीले भनेका छन्, 'यो साह्रै दुर्भाग्य हो कि सामाजिक सञ्जालमा अपूर्ण भिडियो राखेर भ्रम फैलाउने काम भइरहेको छ। युवा क्रिकेटरको छवि बिगार्ने उद्देश्यका साथ भिडियो काटेर राख्नु दुर्भाग्य हो। यो घृणित काम हो।'
पन्तले माइक्रोफोनमा बोलेको कुरा भाइरल बनेको यो पहिलो पटक होइन। यसअघि उनले अस्ट्रेलिया भ्रमणका दौरान विपक्षी ब्याट्सम्यानलाई लक्षित गरेर बोलेको अडियो भाइरल बनेको थियो।
भिडियो
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1782043740-1782045652.jpeg)
-1764146706.png)
