एजेन्सी, मुम्बई- बिहिबार आफ्नो ५२ औं जन्मदिन मनाएका बलिउड स्टार शाहरूख खानले आगामी दिनहरूमा 'स्टाडम'को आयु छोटो हुँदै जाने बताएका छन्। बिगत २५ वर्षदेखि दर्शकहरूको 'सुपरस्टार' भइरहेका खानले जन्मदिनमा संचारकर्मीहरूसँग कुरा गर्दै उक्त धारणा राखेका हुन्।
'इमान्दारीका साथ भन्ने हो भने भविष्यमा 'स्टारडम'को आयु हाम्रो समयको भन्दा छोटो हुँदै जानेछ किनकी भविष्यमा चाँडै हामी दर्शहरू माझ पुगिरहेका हुनेछौ। मेरो विचारमा 'स्टारडम'को परिभाषा परिवर्तन हुनेछ जून अहिलेबाट सुरू हुन थालिसकेको छ', उनले भने 'पहिला भारतभर फिल्म रिलिज हुन तीन महिनाको लाग्दथ्यो। आज तीन सेकेन्डमा मानिसहरूको मोबाइलमा पुगिसक्छ। मानिसहरूले मलाई चिन्न १० वर्षको समय लगाएँ र मेरो फ्यान बन्न थाले । अहिले एउटा नवप्रवेशीलाई चर्चित हुन एक वर्षमात्र लाग्छ। त्यस कारणले ३० वर्षको समय अब घट्नेछ। अब यो चाडै आएर चाडै जानेछ।'
त्यस्तै शाहरूखले भविष्यमा पश्चिमी देशमा जस्तै सांगीतिक स्टारहरूको जन्म हुनसक्ने संकेत पनि गरे।
'पश्चिममा क्रिस मार्टिन भए जस्तै यहाँ पनि हुनेछन् किनकी संगीत फिल्मभन्दा बढि चर्चित हुँदै गइरहेका छन्, जसको डिजिटल माध्यममा स्वतन्त्र उपस्थित हुन थालिसकेका छ। अब डिजिटल सुपरस्टार हुनेछन्। स्टारडमको परिभाषामा परिवर्तन हुनेछ', उनले भने।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
