अजय शाह
धनुषा- जनकपुर बम काण्डका मुख्य नाइके पूर्वराज्य मन्त्री सञ्जय साह ‘टक्ला’सहित ७ जनालाई जिल्ला अदालत धनुषाले जन्मकैदको फैसला सुनाएको छ।
धनुषा जिल्ला अदालतका न्यायाधीश राजेशकुमार कटुवालको इजलासले ७ जनालाई जन्मकैदको फैसला सुनाएको श्रेस्तेदार राधाकान्त झाले जानकारी दिए ।
साहसहित जयप्रकाश चौधरी, मुकेश चौधरी, सुरेशकुमार कर्ण, राजन मुक्ति भनिने रञ्जित झा, मुकेश कर्ण र जितेन्द्र झालाई जन्मकैदको फैसला सुनाएको हो। अब उनीहरुलाई १२ वर्षको कैद सजाय हुने भएको छ।
बमकाण्डका आरोपित ओमप्रकाश यादवलाई भने जिल्ला अदालतले ५ वर्षको कैद तोकिएको छ भने सुजितकुमार पाण्डेले सफाइ पाएका छन्।
२०६९ साल वैशाख १८ गते जनकपुरको रामानन्द चौकमा भएको बमकाण्डमा ५ जनाको हत्या भएको थियो। भने ४० जना घाइते भएका थिए।
पूर्व राज्यमन्त्री साह २०६४ सालको चुनावमा तत्कालीन संघीय समाजवादी फोरमका तर्फबाट धनुषा–४ तथा दोस्रो संविधानसभा चुनावमा सद्भावनाका तर्फबाट धनुषा–३ बाट विजयी भएका थिए।
विजयकुमार गच्छदार भौतिक योजना मन्त्री रहेको समयमा उनी राज्यमन्त्री बनेका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
