सिन्धुपाल्चोक- जुगल हिमाल आरोहण खुला हुने भएको छ।
उद्योग, पर्यटन वन वातावरण मन्त्रालय प्रदेश ३ र जुगल गाउँपालिका, सिन्धुपाल्चोकको संयुक्त आयोजनामा पहिलोपटक जुगल हिमालको आरोहण खुल्ने भएको हो।
सिन्धु पर्यटन परिषद्को सहजीकरणमा चैत १५ गतेदेखि हिमाल आरोण खुला गरिने जानकारी दिइएको हो।
उक्त दिन मुख्यमन्त्री डोरमणि पौडेलले आरोहीलाई बिदाइ गर्ने कार्यक्रम छ।
प्रदेश ३ का उद्योग पर्यटन वन वातावरणमन्त्री सरेश नेपालको नेतृत्वमा बलेफी बजार परिक्रमा र प्रतिनिधिसभा सांसद अग्नि सापकोटा र जुगल गाउँपालिकाका जनप्रतिनिधि सहितको टोलीले ढाडे बजार परिक्रमा गर्ने कार्यक्रम तय भएको छ।
जुगल हिमशृंखला ११ वटा हिमालमध्ये एक हो। जुगल गाउँपालिका ३ मा रहेको हिमालको उचाइ ६,१५१ मिटर छ। हिमालको अक्षांश २८ डिग्री ११ मिनेट रहेको छ भने देशान्तर ८५ डिग्री २७ सेकेन्ड रहेको छ।
आरोहण दलका सदस्यहरु सगरमाथा आरोही माया गुरुङ (टिम लिडर), मीनबहादुर लामा, माधव सापकोटा, सुभाष कर्मचार्य र शर्मिला थापा छन्। यस्तै गाइडहरुमा तुलसी गुरुङ, नरबहादुर अस्थानी, दावा टासी शेर्पा, आशबहादुर गुरुङ छन्। फोटोग्राफी प्रेम गुरुङसमेत टोलीमा रहनेछन्। अनुमानित १२ देखि २२ दिनसम्मको अवधिमा शिखर आरोहण हुने आयोजकले जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1749826086.png)
