काठमाडौं- नेपालका युवा लेग स्पिनर सन्दीप लामिछानेले गत सिजनको आइपिएल टी-२० क्रिकेट प्रतियोगितामा सुरुवाती खेलमा मौका पाउन सकेका थिएनन्। समूह चरणबाटै बाहिरिएपछि दिल्ली क्यापिटल्सले अन्तिम ३ खेलमा सन्दीपलाई मौका दिएको थियो।
सन्दीपले अन्तिम ३ खेलमा आफूलाई प्रमाणित गर्ने क्रममा ५ विकेट लिएका थिए। त्यहि अन्तिम ३ खेलपछि सन्दीपले पछाडि फर्केर हेर्नु परेको छैन। त्यसपछि सन्दीपले क्यानडा ग्लोबल टी-२०, क्यारेबियन प्रिमियर लिग, युएईको टी-१० लिग, अगानिस्तान प्रिमियर लिग, अस्ट्रेलियाको बिग बास लिग, बंगलादेश प्रिमियर लिग हुँदै पाकिस्तान सुपर लिगमा पहिलो रोजाइमा खेलेर विश्व क्रिकेटमा तहल्का मच्चाए।
विश्वभर आफ्नो क्षमता देखाएका सन्दीप यस सिजनको आइपिएलमा दिल्लीले पहिलो रोजाइमा पर्ने प्रवल सम्भावना छ। विश्लेषकहरुले सन्दीप दिल्लीको पहिलो रोजाइमा पर्ने दाबी गरिरहेका छन्। क्रिक इन्फोका श्रुथी रविन्द्रनाथले सन्दीप दिल्लीको पहिलो रोजाइमा पर्ने विश्लेषण गरेका छन्। सन्दीपले दिल्लीको मुख्य बलरको रुपमा टिममा स्थान पाउने उनको विश्लेषण छ।
यस्तै क्रिक बजका प्रकास गोविन्दश्रीनिवासले पनि सन्दीपले दिल्लीको पहिलो रोजाइमा स्थान पाउने उल्लेख गरेका छन्। उनले अफगानिस्तानका रासिद खान र मुजिर उर रहमान जस्तै सन्दीप पनि दिल्लीका लागि एक्स-फ्याक्टर बन्ने सक्ने उनको विश्लेषण छ।
यस सिजनको आइपिएल आगामी शनिबारदेखि सुरु हुँदैछ। पहिलो खेलमा चेन्नइ सुपरकिंग्स र रोयल च्यालेन्जर्स बैंग्लोरबीच प्रतिस्पर्धा हुँदैछ। दिल्लीको पहिलो खेल मुम्बई इन्डियन्सविरुद्ध आगामी आइतबार हुनेछ।
दिल्लीको टिम :
क्रिक इन्फोको पहिलो रोजाइको टिम :
क्रिक बजको पहिलो रोजाइको टिम :
दिल्लीको खेल तालिका :
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
