अधिकांश बिरामीहरु डाक्टरले गरेको उपचारलाई विश्वास गर्छन् । डाक्टरले गरेको अपरेशन र उपचार प्रक्रियाले आफू चाँडै निको हुने विश्वासमा हुन्छन् बिरामीहरु । तर, संसारमा यस्ता घटना छन्, जसमा डाक्टरले गरेको गल्तीका कारण बिरामीले ठुलो पीडा भोगेका पाइएका छन् । अमेरिकामा भएका त्यस्तै केही घटना यहाँ प्रस्तुत गरिएको छ ।
- अमेरिकाको म्यासाचुसेट्सका एलेक मिचेलको हर्नियाको अपरेशन भयो । तर, अपरेशनलगत्तै उनले केही अप्ठेरो महसुस गरे । त्यसपछि उनी गम्भीर रुपमा बिरामी परे, पीडाले उनलाई बान्ता आउने समस्या देखा प¥यो । एक्सरे गरेपछि उनले आफूलाई अपरेशन गर्ने टीमविरुद्ध मुद्दा हाल्न तत्काल वकिललाई लिए । खासमा एक्सरे गर्दा उनको पेटमा अपरेशन गर्ने उपकरण नै छुटेकको रहेछ । त्यसलाई निकाल्न पुनः अर्को अपरेशन गर्नुप¥यो । उनले २ लाख ८० हजार डलर क्षतिपूर्ति पनि पाए ।
- टेक्सास जेलका बन्दी एन्टोनियो गार्सियाले पनि त्यस्तै घटनाको अनुभव गर्नुपरेको थियो । इमर्जेन्सी रुपमा अपरेशन गरेको छ वर्षपछि जेलको मेडिकल टिमले नियमित चेकजाँचका क्रममा एक्सरे गर्दा उनको पेटमा सर्जिकल सुई छुटेको पत्ता लागेको थियो । उनले आफ्नो अपरेशनमा सहभागी सर्जनविरुद्ध मुद्दा दायर गरेपनि कहिल्यै सुल्झिएन ।
- सन् २००४ मा दक्षिण क्यारोलिनाकी एक ३८ वर्षीया महिलाले हिस्टेरेक्टोमी अपरेशन गरेपछि ठुलो पीडा महसुस गरिन् । उनी डाक्टरकहाँ गइन् । भिडियो एक्सरे गरेपछि पत्ता लाग्यो, उनको पेटमा एक जोेडी सर्जिकल कैंची छुटेका रहेछन् ।
- बब म्याक्सवेल नामक ४१ वर्षीय मानिसको पेटको अपरेशन भएको थियो । तर, अपरेशनको तीन सातापछि उनलाई बान्ता आउने र पेट ज्यादैं दुख्ने समस्या भयो । एक्सरे गर्दा उनको पेटमा अपरेशनमा प्रयोग हुने गज छुटेको पत्ता लाग्यो । विस्कन्सिनकी एक महिलाको आन्द्राको शल्यक्रिया भएको थियो । तर, अपरेशनको केही समयपछि नै उनलाई पीडा हुन थाल्यो । आफन्तकहाँ जान भनेर उनी स्थानीय विमानस्थल पुगिन्, तर, विमानस्थलको मेटल डिटेक्टर कराएर उनलाई विमानभित्रै पस्न दिएन । विमानस्थलका कर्मचारीले स्क्रीनमा हेर्दा उनको पेटमा अपरेशन गर्ने ठुलो औजार छुटेको रहेछ ।
- अर्को घटना बाल्टिमोरमा भएको थियो । ट्युमरको अपरेशन गरिएकी एक महिलाले निकै ठुलो पीडा भएको गुनासो गरिन्, तर त्यसलाई अपरेशन गर्ने डाक्टर र अस्पताल दुवैले बेवास्ता गरे । अन्त्यमा उनले अदालतमा मुद्दा दायर गरिन् । जब अर्कै अस्पतालमा उनको एक्सरे गरियो, उनको शरीरभित्र अपरेशन गर्ने प्लास्टिकका सामग्री, गज र सर्जिकल स्पन्ज भेटिए । पहिलो अपरेशन गरेको सातवर्षपछि उनको शरीरबाट त्यस्ता सामान निकालिएका थिए । एजेन्सि
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
