धनगढी- कैलालीको टीकापुरको एउटा बस्तीमा बिहीबार छिरेको चितुवा ११ घन्टापछि नियन्त्रणमा आएको छ।
टीकापुर इलाका प्रहरी कार्यालयका प्रहरी नायव उपरीक्षकसहित प्रहरी टोली तथा बर्दिया राष्ट्रिय निकुञ्जका कर्मचारीहरुको लगातारको प्रयासपछि साँझ साढे सात बजेतिर चितुवा नियन्त्रणमा आएको जनाइएको छ।
दिनभर आतंक मच्चाउने चितुवा बेहोस बनाउने सुई लगाएर नियन्त्रणमा लिइएको जनाइएको छ। बर्दिया राष्टिय निकुञ्जबाट आएको टोलीले बाघलाई नियन्त्रणमा लिइएको हो। विहानै गाउमा भेटिएको चितुवालाई दिनभर हेर्नेको घुइचो लागेको थियो।
चितुवाको आक्रमणबाट प्रहरी जवान सहित चार जना घाइते भएका छन्। चितुवाको आक्रमणबाट इलाका प्रहरी कार्यालय टीकापुरमा कार्यरत प्रहरी जवान देविभक्त धिताल, १५ वर्षे बालक सम्राट शाह, विहानै घाइते भएका हुन।
दिनभर एयरपोर्ट नजिक झाडीका लुकेर बसेको चितुवा साझपख बाहिर निस्केर थप दुई जनालाई घाइते बनाएको छ। ८० वर्षिय शेरबहादुर बिक र ५८ वर्षिय खडानन्द न्यौपाने घाइते भएका छन्। एयरपोर्टबाट निस्केको चितुवा नवदुर्गा आधारभूत विद्यालय नजिक गएको थियो।
घाईते मध्ये प्रहरी जवान र वालक सम्राट शाहको टीकापुर अस्पतालमा उपचार भएको र शेरबहादुर विक र खडानन्द न्यौपानेलाई टीकापुर अस्पतालमा उपचारपछि थप उपचारको लागि नेपालगंज रेफर गरीएको ईलाका प्रहरी कार्यालय टीकापुरले जानकारी दिएको छ। न्यौपाने र विकको हिप, हात र खुट्टामा चोट लागेको छ।
चितुवाको आक्रमणबाट बच्न भाग्दै गरेका यादव भट्टचनलाई पनि सामान्य चोट लागेको छ। धिताललाई चितुवाले घाटीको अघि र पछि, हात र ढाडमा गरी चार ठाउमा चोट पु¥याएको इलाका प्रहरी कार्यालय टीकापुरका प्रमुख प्रहरी नायब उपरिक्षक शिबबहादुर सिंहले बताए।
बालकको निधार र टाउकोमा चोट लागेको छ। शहरमा बाघ पसेपछि उद्धारका लागि बर्दिया राष्ट्रिय निकुञ्ज र वन कार्याालय सव डिभिजन लम्कीबाट टोली टीकापुर आएको थियो।
‘एक सर्ट गोली हानेपछि केही बेरमा चितुवा नियन्त्रणमा आयो,' उनले भने।
प्रहरी नायव उपरीक्षक सिंहका अनुसार चितुवा बिहीबार बिहान ८ बजे बस्तीमा प्रवेश गरेको थियो। ‘चितुवा आएको थाहा पाएपछि वन कार्यालयलाई खबर गर्नुका साथै चितुवालाई घेरामा राख्न निर्देशन दिएको थिए, स्थानीयले ढुगां हानेपछि भाग्ने क्रममा आक्रमण गर्यो’ नायव उपरीक्षक सिंहले भने।
शहरमा चितुवा पसेपछि उद्धारका लागि बर्दिया राष्ट्रिय निकुञ्ज र वन कार्यालयको सव डिभिजन लम्कीबाट टोली टीकापुर आएको थियो।
‘प्रहरी टोलीले चितुवालाई चारै तिरबाट घेरेको थियो। चितुवा आक्रमक बन्दै गएकोले नियन्त्रणमा लिन समय लाग्यो,’ उनले भने।
उता, बैतडीको दशरथचन्द नगरपालिका ५ बस्कोटबाट जिउदै चितुवाको बच्चालाई समातेर डिभिजन वन कार्यालय बैतडीलाई बुझाईएको छ। बाख्रा गोठमा आएको चितुवाको बच्चालाई स्थानीय प्रताप टमाटाले समातेर वन डिभिजन कार्यालय बैतडीलाई बुझाएको हो।
स्थानीयले नियन्त्रणमा लिएको करिब डेढ–दुई महिनाको चितुवाको बच्चालाई जिल्ला वन कार्यालयमा लगिएको जिल्ला वन कार्यालयका सहायक वन अधिकृत रामकुमार चौधरीले बताए।
बैतडी जिल्लामा दुई–तीन महिनाको अन्तरालमा चितुवा मृत तथा पासोमा परेर मर्ने गरेका छन्। गएको तिन वर्ष यतामात्रै जिल्लाको तल्लोस्वराड क्षेत्रमा २३ जनाले चितुवाको आक्रमणबाट ज्यान गुमाइसकेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1768212196.png)
-1768207138.png)
-1764146706.png)
