काठमाडौं- पाकिस्तानको सेनाले दुई भारतीय लडाकु विमान खसालेको दाबी गरेको छ।
पाकिस्तानी सेनाका प्रवक्ता मेजर जनरल आसिफ गफूरले ट्वीट गर्दै पाकिस्तानी वायुसेनाले पाकिस्तानी हवाई क्षेत्रमा प्रवेश गरेका दुई भारतीय लडाकु विमान खसालिदिएको दाबी गरेका छन्। दुई विमान खसाल्दा एक पाइलटलाई नियन्त्रणमा लिइएको मेजर गफूरले दाबी गरेका छन्।
In response to PAF strikes this morning as released by MoFA, IAF crossed LOC. PAF shot down two Indian aircrafts inside Pakistani airspace. One of the aircraft fell inside AJ&K while other fell inside IOK. One Indian pilot arrested by troops on ground while two in the area.
— Maj Gen Asif Ghafoor (@OfficialDGISPR) February 27, 2019
तर, पाकिस्तानी विदेश मन्त्रालयले भने पाकिस्तानी वायुसेनाले भारतीय क्षेत्रमा आक्रमण गरे पनि विमान खसालेको बारे केही उल्लेख गरेको छैन।
पाकिस्तानी विदेश मन्त्रायलका प्रवक्ता मोहम्मद फैसलले भनेका छन्, ‘पाकिस्तान वायुसेनाले आफ्नो वायु-सीमाभित्रै रहेर नियन्त्रण रेखाको दोस्रो क्षेत्रतर्फ बमबारी गरेको छ।’
आजै भारतको जम्मु काश्मिरमा भारतीय सेनाको लडाकु विमान दुर्घटनामा परेको भारतीय सञ्चारमाध्यमहरुले जनाएका छन्। उक्त विमान दुर्घटनामा दुई चालकको मृत्यु भएको बताइएको छ।
बुधवार बिहान १० बजेर ४० मिनेट जाँदा काश्मिरस्थित बडगाममा उक्त विमान दुर्घटना भएको थियो।
उक्त विमान पाकिस्तानी सेनाले दाबी गरेझैं खसालिएको हो वा दुर्घटना भएको भन्ने अहिलेसम्म खुल्न सकेको छैन।
भारतीय सञ्चारमाध्यमहरुले भने उक्त विमान खेतमा गएर खसेको र त्यसलगत्तै आगो लागेको बताएका छन्। तर समाचार संस्था पिटिआई र रोयटर्सले भने पाकिस्तानी सेनाको विमान भारतीय वायु सीमामा प्रवेश गरेको बताएका छन्।
समाचार अनुसार पाकिस्तानी विमान जम्मु–कश्मिरको राजौरी जिल्लाको नौशेरा सेक्टरमा प्रवेश गरेको थियो।
पिटिआई अनुसार भारतको विमानले पाकिस्तानी विमानलाई भाग्न बाध्य बनाएको थियो। त्यसपछि ती विमान पाकिस्तान प्रशासित कश्मिरतर्फ भागको थियो।
हिजो बिहान मात्रै भारतीय वायुसेनाकाे विमानले पाकिस्तानकाे बालाकाेट नजिक रहेकाे 'जैश-ए-मोहम्मद'काे एक क्याम्पमा बम खसाली ध्वस्त पारेको भारतले दाबी गरेको थियो।एजेन्सी
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
