एजेन्सी- भारतको जम्मु कश्मिरमा पर्ने पलुवामा जिल्लामा बिहीबार भएको आत्माघाती आतंकवादी हमलापछि भारतले पाकिस्तानलाई दिँदै आएको व्यापार अनुकूल राष्ट्र (एमएफएन) सूचीबाट हटाउने निर्णय गरेको छ। शुक्रबार मन्त्रिपरिषद सुरक्षा समितिको बैठकले यो निर्णय गरेको हो।
आतंकवादी हमला पाकिस्तान समर्थित आतंकवादी संस्था जैश–ए– महमदले गरेको स्वीकार गरिसकेको छ।
भारतीय प्रधानमन्त्री नरेन्द्र मोदीले शुक्रबार पाकिस्तानलाई एमएफएनको सूचीबाट हटाउने निर्णय गरेका हुन्। यसका साथै पाकिस्तानलाई विश्व समुदायबाट एक्ल्याउन ‘हर सम्भव प्रयास’ गर्ने भारतीय सञ्चार माध्यमले जनाएका छन्।
सुरक्षा समितीको बैठकपछि आयोजित एक पत्रकार सम्मेलनमा बोल्दै भारतीय वित्तमन्त्री अरुण जेट्लीले पाकिस्तानलाई एमएफएन राष्ट्रको मान्यताबाट हटाउने निर्णय भएको जानकारी दिएका हुन्। भारतको वाणिज्य मन्त्रालयले यो सम्बन्धि थप काम गर्ने जनाइएको छ।
भारतले पाकिस्तानलाई एमएफएन राष्ट्रको रुपमा सन् १९९६ मा मान्यता दिएको थियो। विश्व व्यापार संगठनको स्थापनापछि अन्तर्राष्ट्रिय व्यापारलाई प्रोत्साहन गर्न भारतले पाकिस्तानलाई एमएफएन राष्ट्रको मान्यता दिएको थियो।
अन्तर्राष्ट्रिय व्यापारलाई प्रोसाहन गर्ने उदेश्य सहित आएको एमएफएन नीतिलाई भारतले पाकिस्तानसँग भएको सन् १९९५ को कार्गिल युद्धपछि पनि समाप्त गरेको थिएन। यस्तै सन् २००३ मा भएको संसद हमला र सन् २००८ मा भएको मुम्बई हमलामा परी करिब १ सय ६० जनाको मृत्यु हुँदा पनि भारतले पाकिस्तानलाई दिँदै आएको एमएफएनको मान्यता कायम राखेको मा बिहिबार भएको पुलवामा आतंकवाद हमलापछि भारतले यस्तो कदम चालेको बताएको छ।
जेट्लीले बिहीबार भएको आत्मघाती आतंकवादी हमला पाकिस्तान समर्थनमा भएको पुष्टि गर्ने भारतसँग स्पष्ट आधार भएको जेट्लीलाई उद्धत गर्दै हिन्दुस्तान टाइम्स्ले जनाएको छ। भारतीय सैन्य जवान सवार ७८ बसलाई लक्षित गरी आतंकवादी हमला भएको थियो। ७८ बसमा करिब २ हजार ५ सय सिआईपिफका जवान सवार थिए। हमलामा परि करिब ४० जवानको निधन भएको जनाइएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
