काठमाडौं– शनिबार काठमाडौंको प्रज्ञा भवनमा हुने आइएफबिबी प्रोफेसनल लिग नेपाल बडिबिल्डिङ च्याम्पियनसिपमा २० खेलाडीबीच प्रतिस्पर्धा हुने भएको छ।
आइएफबिबी लिग नेपालले शुक्रबार साँझ पत्रकार सम्मेलन आयोजना गर्दै चार प्रो कार्डका लागि नेपाल, भारत, कतार, इरान, सिरिया, साउदी अरेबिया र युएईका बडिबिल्डरले प्रतिस्पर्धा गर्ने जनाएको हो। ‘मेन्स फिजिक’, ‘मेन्स क्लासिक फिजिक’ ‘मेन्स बडिबिल्डिङ,’ र महिलातर्फको ‘ओमन फिजिक’मा ‘प्रो कार्ड’ का लागि खेलाडीले प्रतिस्पर्धा गर्नेछन्। ४ विधाका च्याम्पियनले मिस्टर ओलम्पियामा भाग लिने अवसर पाउनेछन्।
बडिबिल्डिङको सबैभन्दा ठूलो प्रतियोगिता मानिने मिस्टर ओलम्पियामा भाग लिन प्रो कार्ड आवश्कता पर्छ र त्यसका लागि प्रो कार्ड अनिवार्य लिनुपर्ने हुन्छ।
प्रतियोगिताका लागि अन्तर्राष्ट्रिय निर्णायक पनि नेपाल आइसकेका छन्। यस्तै ख्यातिप्राप्त बडिबिल्डर रोली विङ्कलार पनि प्रतियोगिता लागि नेपाल आएका छन्। उनी गेस्ट पोजरको लागि नेपाल आएका हुन्।
उनी यस वर्षको आर्नोल्ड क्लासिक विजेता हुन्। द विस्ट' र 'सामुराई' को उपनामले चिनिने उनी विश्वको सबैभन्दा ठूलो ज्यान भएका व्यक्ति हुन्। उनको हातको पाखुरा मात्र २४ इन्चको छ। सन् २०१३ देखि लगातार मिस्टर ओलम्पियामा प्रतिस्पर्धा गरेका विङ्कलार २०१८ मा तेस्रो भएका थिए।
पत्रकार सम्मेलनमा उनले नेपाल आउन पाउँदा एकदमै खुसी लागेको बताए। 'नेपालमा आउन पाउँदा एकदमै खुसी लागेको छ। एयरपोर्टको स्वागत विशेष थियो। खादा ओढाएर स्वागत गरेको क्षण 'वाउ' ! भन्नु जस्तो थियो,' रोलीले भने।
उनले नेपालमा आयोजना हुने प्रतियोगिता हुने सफलताको शुभकामना दिँदै युवाहरुलाई प्रेरणा दिनका लागि गेस्ट पोजर बनेको बताए। 'शरीर कसरी बनाउनु भयो?' भन्ने प्रश्नमा उनको छोटो उत्तर थियो,'आफू के बन्न चाहान्छु भन्ने कुरा सोच्ने गर्थे। आफूले गर्ने काम बारे सम्झन्थे। त्यसपछि यस्तो शरिर बन्यो।'
तीन पटकका मिस्टर नेपाल र दुई पटकको धर्मश्री च्याम्पियन सानु गुरुङले आइएफबीबीको फेन्चाइज नेपाल भित्र्याएर प्रो क्वालिफायर आयोजना गर्न लागेका हुन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1768291693.png)
-1768309886.png)
-1764146706.png)
-1768288990.png)
