भैरहवा– जिल्ला प्रशासन कार्यालय रुपन्देहीमा पुस्तकालय कक्ष स्थापना गरिएको छ। प्रत्येक महिना नयाँ काम अभियान अन्तर्गत गत कार्यालयमा पुस्तकालय कक्ष स्थापना गरिएको हो।
रुपन्देहीका प्रमुख जिल्ला अधिकारी उदय बहादुर राना मगरले फागुन महिनामा कार्यालयमा पुस्तकालय कक्षको व्यवस्था गरेका हुन्।
कार्यालयको सबैभन्दा माथिल्लो तलामा रहेको कोठा नम्बर ४०४ मा पुस्तकालयको स्थापना गरिएको छ। अध्ययनले मानिसमा सकारात्मक सोच र क्षमताको विकासमा टेवा पुग्ने भएकोले पुस्तकालयको स्थापना गरिएको रुपन्देहीका प्रमुख जिल्ला अधिकारी उदय बहादुर रानाले बताए।
‘हामीले कार्यालयबाट प्रवाह हुने सेवालाई जनमुखी र जनसन्तुष्टि मिल्ने गरी व्यवस्था गरिरहेका छौँ,’ उनले भने, ‘कुनै सेवाग्राहीको काम भइरहेको अवस्थामा फुर्सदमा बस्नुको साटो पुस्तक अध्ययन गर्दा निकै फलदायी हुने विश्वासका साथ पुस्तकालयको स्थापना गरेका हौँ।’
उनले पुस्तक अध्ययन गर्ने बानी बिस्तारै घट्दै गइरहेको अवस्थामा पुस्तकालयको स्थापना गरिएको बताए। पुस्तकालयमा ऐन, कानुन, जीवन उपयोगी, रंगमञ्च, सकारात्मक सोच लगायतका विदेशी तथा स्वदेशी लेखकले लेखेका पुस्तक राखिएको कार्यालयले जनाएको छ।
उनले पुस्तकालयका लागि आवश्यक अन्य पुस्तक उपलब्ध गराउन सर्वसाधरण तथा संघसंस्थालाई आग्रह गरे।
प्रमुख जिल्ला अधिकारी रानाले रुपन्देहीमा प्रत्येक महिना नयाँ काम गर्ने अभियान चलाएका छन् ।
अभियान अन्तर्गत गत यसअघि रानाले राष्ट्रगान पश्चात् कार्यालयको सेवा, पुस महिनामा प्रत्येक दिन जारी भएका नागरिकताको संख्या, सम्बन्धित व्यक्तिको नाम र ठेगाना वेभसाइटमा राख्ने र नागरिकताको अनुसूची फारम स्क्यान गरेर कम्प्युटर राख्ने कामको सुरुवात गराएका थिए।
यस्तै माघ महिना कर्मचारीको सहज पहिचानका लागि प्रहरी जस्तै ब्याच नेम प्लेट लगाउनु पर्ने व्यवस्था कायम गराएका थिए।
उनका अनुसार अगामी महिनामा पनि के नयाँ काम गर्ने विषयमा छलफल भइरहेको छ। अहिले जिल्ला प्रशसान कार्यालयले फेसबुक लगायतका समाजिक सञ्जाल पनि प्रयोगमा ल्याएको छ।
जसबाट सर्वसाधरणले कार्यालयको सेवाबारे जानकारी लिन सक्ने, गुनासो गर्न सक्ने, गोप्य सूचना दिन सक्ने लगायतको व्यवस्था रहेको कार्यालयले जनाएको छ।
त्यस्तै कार्यालयले ‘डिएओ रुपन्देही’ नामक मोबाइल एप्स पनि सञ्चालनमा ल्याएको छ। कार्यालयले सेवाग्राहीको सहजताको लागि टेलिभिजन, वाइफाई, खानेपानी, स्तनपान गराउने स्थान लगायतको व्यवस्था रहेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1766405695.png)
-1764146706.png)
-1763721444.png)
