जनकपुर- नेपाल कम्युनिष्ट पार्टीको नाममा देशव्यापी रुपमा जनयुद्ध दिवस मनाइरहँदा सोही पार्टीका वरिष्ठ नेता माधवकुमार नेपालले पार्टीलाई जनयुद्ध दिवस मान्य नहुने बताएका छन्।
जनकपुरमा बुधबार कविर अनाथ बालआश्रममा रहेका बालबालिकाबारे जानकारी लिन पुगेका बेला उनले भने, ‘जनयुद्ध दिवस मनाउने निर्णय पार्टीको नभई कसैको व्यक्तिगत हो।’
उनले थपे, ‘पार्टीको परिपाटीलाई अध्यक्षले पनि बुझेका छैनन् भने बुझ्नुपर्छ। कुनै नेताको एकल निर्णयले मनाइरहेको जनयुद्ध दिवस पार्टीलाई मान्य छैन।’
जनयुद्धका मात्र नभएर सबै आन्दोलनका सहिदको सम्मान गर्नुपर्ने धारणा नेता नेपालले व्यक्त गरे।
उनले सरकारको राम्रो कामको प्रशंसा र नराम्रो कामको आलोचना गर्न आग्रह गरे।
सबै नेपालीले नागरिकता पाउनुपर्ने बताउँदै नेता नेपालले भने, ‘विदेशीलाई दिनु हुन्न तर सबै नेपालीले नागरिकता पाउनुपर्छ।’
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1791965585.png)
-1791964075.png)
-1787821305.jpg)
-1786602170.png)
