नयाँ दिल्ली- दिल्लीको मध्यक्षेत्रमा रहेको एक होटलमा आगलागी हुँदा कम्तीमा १७ जनाको मृत्यु भएको छ। घटनामा परी अन्य ११ जना घाइते भएको अग्नि नियन्त्रण विभागले जनाएको छ।
करोल बाघस्थित गुरुद्वारा सडकमा रहेको अर्पित प्यालेस होटलमा मंगलबार बिहान ४ः३० बजे सो आगलागी भएको थियो।
तत्काल बारूण यन्त्रसहित केही अग्नि नियन्त्रक त्यसतर्फ गए पनि १७ व्यक्तिलाई जोगाउन नसकिएको प्रहरी उपआयुक्त एमएस रान्धावाले बताए।
विभागका प्रमुख अतुल गर्गले सूचना प्राप्त भएलगत्तै उद्धार टोलीलाई त्यसतर्फ पठाइएको र उक्त टोलीले होटलभित्र फसेका ३५ जनालाई सकुशल उद्धार गरेको बताए।
उद्धार टोलीले घटनास्थलबाट एउटा अस्पतालमा १३ जनाको र अर्को अस्पतालमा अन्य चार जनाको शव अन्तिम परीक्षण रिपोर्टका लागि पठाइएको छ।
एक महिला र एक बालकले आगलागीपछि आत्तिएर भवनको झ्यालबाट हाम फालेका कारण मृत्यु भएको छ भने अन्य १५ जनाको होटलको कोठाभित्र नै जलेर ज्यान गएको बताइएको छ।
आगोमा जलेर घाइते भएका ११ जनाको स्थानीय अस्पतालमा उपचार भइरहेको छ। प्रहरी उपआयुक्त एमएस रान्धावाले आगलागीबाट घाइते भएकामध्ये केहीको अवस्था गम्भीर रहेकोले मृतकको सङ्ख्या बढ्न सक्ने बताए।
आगलागी भएको सो चारतले होटलमा ३५ कोठा थिए। सोमबार उक्त होटलमा एउटा परिवारले कार्यक्रमका लागि लिएको आफूलाई जानकारी भएको रान्धावाले बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
